ചെന്നൈ: ഉപതെരഞ്ഞെടുപ്പ് പ്രഖ്യാപിച്ച തമിഴ്‌നാട് ആര്‍.കെ നഗര്‍ മണ്ഡലത്തില്‍ നിന്ന് തെരഞ്ഞെടുപ്പ് ഉദ്യോഗസ്ഥര്‍ 5.21 ലക്ഷം രൂപയും ഇത് കൊണ്ടുവന്ന കാറും പിടികൂടി. രണ്ടിടങ്ങളിലായി നടത്തിയ പരിശോധനയിലാണ് പണം പിടികൂടിയത്.
തെരഞ്ഞെടുപ്പ് പെരുമാറ്റച്ചട്ടം കര്‍ശനമായി പാലിക്കുന്നുണ്ടോയെന്ന് പരിശോധിക്കുന്നതിനായി നിയോഗിച്ച തെരഞ്ഞെടുപ്പ് ഫ്‌ളൈയിങ് സ്‌ക്വാഡ് ഉദ്യോഗസ്ഥരാണ് ഇവ പിടികൂടിയതെന്ന് പൊലിസ് അറിയിച്ചു.
ആരക്കോണം കേന്ദ്രീകരിച്ചുള്ള ഒരു ബിസിനസുകാരനില്‍ നിന്നാണ് രണ്ടു ലക്ഷവും കാറും പിടികൂടിയത്. 3.21 ലക്ഷം രൂപ പിടിച്ചെടുത്തത് അണ്ണാ ഡി.എം.കെ പ്രവര്‍ത്തകനില്‍ നിന്നാണ്. പെര്‍മിറ്റില്ലാതെ തെരഞ്ഞെടുപ്പിനായി ഉപയോഗിച്ച 12 കാറുകള്‍ പിടിച്ചതായും തെരഞ്ഞെടുപ്പ് കമ്മിഷന്‍ അറിയിച്ചു.