പെരിങ്ങത്തൂര്‍ : കോഴിക്കോട് - കണ്ണൂര്‍ ജില്ലാ അതിര്‍ത്തിയായ പെരിങ്ങത്തൂർ മയ്യഴി  പുഴയിൽ ബസ് മറിഞ്ഞ് അമ്മയും മകനും ഉള്‍പ്പെടെ മൂന്ന് മരണം. ബാംഗ്ലൂരില്‍ നിന്നും നാദാപുരം വഴി തലശ്ശേരിയിലേക്ക് വരികയായിരുന്ന ലാമ ബസ്സാണ് അപകടത്തില്‍പ്പെട്ടത്. ഇന്ന് പുലര്‍ച്ചെ 5.50 നാണ് സംഭവം.

 

പ്രേമലത(52), മകന്‍ പ്രജിത്ത്(32), ബസ്സ് ജീവനക്കാരന്‍ റിജേഷ്(30)  എന്നിവരാണ് മരിച്ചത്. ബസ്സ് ഡ്രൈവര്‍ കതിരൂര്‍ വേറ്റുമ്മല്‍ സ്വദേശി ദേവദാസിനെ പരിക്കുകളോടെ തലശ്ശേരി ഇന്ദിരാഗാന്ധി സഹകരണ  ആശുപത്രിയില്‍ പ്രവേശിപ്പിച്ചു. ഡ്രൈവര്‍ ഉറങ്ങി പോയതാണ് അപകട കാരണമെന്ന് സൂചന.

 

 

ബസ്സ് പുഴയിലെ ചെളിയില്‍ അകപ്പെട്ടതും ജന ബാഹുല്യവും രക്ഷാ പ്രവര്‍ത്തനത്തെ ബാധിക്കുന്നതായാണ് റിപ്പോര്‍ട്ട്. എങ്കിലും രക്ഷാപ്രവര്‍ത്തനം കാര്യക്ഷമമായി തുടരുകയാണ്.

എത്ര പേർ അപകടത്തിൽ പെട്ടുവെന്ന് വ്യക്തമല്ല.പെരിങ്ങത്തൂർ പുഴയുടെ കൈവരി തകർത്താണ് ബസ് പുഴയിലേക്ക് മറിഞ്ഞത്. തലശേരി, പാനൂർ എന്നിവിടങ്ങളിൽ നിന്നെത്തിയ ഫയർഫോഴ്സും നാട്ടുകാരും ചേർന്നാണ് രക്ഷാപ്രവർത്തനത്തിലേർപെടുന്നത്. ബസ് മുകളിലേക്ക് ഉയർത്താനുള്ള ശ്രമം തുടരുകയാണ്.