കൊച്ചി: അതിമൃഗീയമായി കൊല്ലപ്പെട്ട ജിഷയ്ക്ക് നീതിലഭിക്കുക എന്നത് സമൂഹ മന:സാക്ഷിയുടെ ആവശ്യമായിരുന്നുവെന്നും അത് പൂര്‍ത്തീകരിക്കാന്‍ വിധിയിലൂടെ സാധിച്ചുവെന്നും കേസിലെ പബ്ലിക് പ്രോസിക്യൂട്ടര്‍ എന്‍.കെ ഉണ്ണികൃഷ്ണന്‍ പ്രതികരിച്ചു.
പ്രതിഭാഗത്തിന്റെ ആരോപണങ്ങള്‍ കഴമ്പില്ലാത്തതാണെന്നും പ്രോസിക്യൂഷന്‍ പ്രതിക്കെതിരെ ചുമത്തിയ ചില കുറ്റങ്ങള്‍ കോടതി തള്ളിയത് സ്വാഭാവികം മാത്രമാണെന്നും പ്രോസിക്യൂട്ടര്‍ കൂട്ടിച്ചേര്‍ത്തു.