കോയമ്പത്തൂര്‍: നഗരത്തിലെ രണ്ട് എ.ടി.എം കൗണ്ടറുകള്‍ തകര്‍ത്ത് പണവുമായി കാറില്‍ രക്ഷപ്പെടാന്‍ ശ്രമിച്ച രാജസ്ഥാന്‍ സ്വദേശികളായ കവര്‍ച്ചാ സംഘത്തെ പൊലിസ് പിന്‍തുടര്‍ന്ന് പിടികൂടി.
വിളാക്കുറിച്ചിയിലെ രണ്ട് എ.ടി.എം കൗണ്ടറുകളാണ് സംഘം തകര്‍ത്തത്. ഇവരെ 20 കി.മീറ്റര്‍ പിന്തുടര്‍ന്ന് നാമക്കലിലെ കീരമ്പൂര്‍ ചെക്ക് പോസ്റ്റില്‍ വച്ചാണ് പിടികൂടിയത്. ഹരിയാന രജിസ്‌ട്രേഷനിലുള്ള കാറിലെത്തിയ മൂന്നുപേരാണ് പിടിയിലായത്. ഇവരെ ചോദ്യം ചെയ്തു വരികയാണ്. അതേസമയം സംഘത്തിലുണ്ടായിരുന്ന മറ്റു ചിലര്‍ മറ്റൊരു കാറില്‍ രക്ഷപ്പെട്ടതായി പൊലിസ് അറിയിച്ചു.