കൊല്‍ക്കത്ത: പെനാല്‍റ്റി ഗോളുകള്‍ ഫലം നിര്‍ണയിച്ച പോരാട്ടത്തില്‍ ഐ ലീഗില്‍ കരുത്തരായ മോഹന്‍ ബഗാന് സ്വന്തം തട്ടകത്തില്‍ സമനിലക്കുരുക്ക്. ഷില്ലോങ് ലജോങാണ് മോഹന്‍ ബഗാനെ 1-1ന് ഒപ്പം പിടിച്ചത്. പെനാല്‍റ്റിയിലൂടെ ലീഡെടുത്ത ബഗാനെ പെനാല്‍റ്റിയിലൂടെ തന്നെ ഷില്ലോങ് സമനിലയില്‍ ഒതുക്കി. 12ാം മിനുട്ടില്‍ ലഭിച്ച പെനാല്‍റ്റി ബഗാന് വേണ്ടി ഡിപാന്‍ഡ വലയിലാക്കിയപ്പോള്‍ ലാല്‍മുന്‍പുയ 72ാം മിനുട്ടില്‍ ലഭിച്ച പെനാല്‍റ്റി വലയിലിട്ട് ഷില്ലോങിന് സമനിലയൊരുക്കുകയായിരുന്നു.