ഹൈദരാബാദ്: വിജയ് മര്‍ച്ചന്റ് ട്രോഫി അണ്ടര്‍ 16 ക്രിക്കറ്റ് പോരാട്ടത്തില്‍ ഗോവയ്‌ക്കെതിരേ കേരളത്തിന് മികച്ച തുടക്കം. ഒന്നാം ദിനം കളി നിര്‍ത്തുമ്പോള്‍ കേരളം രണ്ട് വിക്കറ്റ് നഷ്ടത്തില്‍ 302 റണ്‍സെന്ന ശക്തമായ നിലയില്‍. കളി നിര്‍ത്തുമ്പോള്‍ ക്യാപ്റ്റന്‍ വരുണ്‍ നായനാര്‍ (61), അക്ഷയ് ടി.കെ (30) എന്നിവരാണ് ക്രീസില്‍. ഓപണര്‍മാരായ ആല്‍ബിന്‍ ബിനു (121) സെഞ്ച്വറി നേടിയപ്പോള്‍ ഒമര്‍ അബൂബക്കര്‍ (82) അര്‍ധ ശതകം നേടി. 235 പന്തുകള്‍ നേരിട്ട് 11 ഫോറും ഒരു സിക്‌സും പറത്തിയാണ് ആല്‍ബിന്‍ ബിനു സെഞ്ച്വറി തികച്ചത്. ഒമര്‍ 150 പന്തുകള്‍ നേരിട്ട് എട്ട് ബൗണ്ടറികളും ഒരു സിക്‌സും പറത്തി.