കോഴിക്കോട്: എസ്.വൈ.എസ് സംസ്ഥാന കമ്മിറ്റി പ്രകാശമാണ് തിരുനബി(സ്വ) എന്ന പ്രമേയവുമായി വിവിധ പരിപാടികളോടെ ആചരിച്ച റബീഅ് കാംപയിനിനു നാളെ എറണാകുളം കളമശ്ശേരി ഇമാം ബൂസ്വൂരി നഗരിയില്‍ നടക്കുന്ന പ്രാര്‍ഥനാ മജ്‌ലിസോടെ സമാപനം കുറിക്കും. മഗ്‌രിബ് നിസ്‌കാരാനന്തരം നഅ്‌തെ ഹബീബ് മെഹ്ഫില്‍ പ്രകീര്‍ത്തന സദസോടെയാണ് സമാപന സംഗമത്തിനു തുടക്കം കുറിക്കുക.
സമാപന സമ്മേളനം പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. സമസ്ത പ്രസിഡന്റ് സയ്യിദ് ജിഫ്‌രി മുത്തുക്കോയ തങ്ങള്‍ അധ്യക്ഷനാകും. സയ്യിദ് മുഹമ്മദ് കോയ തങ്ങള്‍ ജമലുല്ലൈലി ആമുഖ പ്രഭാഷണം നടത്തും.
കെ. ആലിക്കുട്ടി മുസ്‌ലിയാര്‍, എം.ടി അബ്ദുല്ല മുസ്‌ലിയാര്‍, ഉമര്‍ മുസ്‌ലിയാര്‍ കൊയ്യോട്, ഡോ. ബഹാഉദ്ദീന്‍ മുഹമ്മദ് നദ്‌വി, ഉമര്‍ ഫൈസി മുക്കം പ്രസംഗിക്കും. അബ്ദുസ്സമദ് പൂക്കോട്ടൂര്‍, അബ്ദുല്‍ ഹമീദ് ഫൈസി അമ്പലക്കടവ്, റഹ്മത്തുല്ലാ ഖാസിമി മൂത്തേടം, നാസര്‍ ഫൈസി കൂടത്തായി പ്രമേയ പ്രഭാഷണം നടത്തും.
തുടര്‍ന്നു നടക്കുന്ന പ്രാര്‍ഥനാ മജ്‌ലിസിനു മാണിയൂര്‍ അഹ്മദ് മുസ്‌ലിയാര്‍ നേതൃത്വം നല്‍കും. ചെറുവാളൂര്‍ ഹൈദ്രോസ് മുസ്‌ലിയാര്‍, കെ.പി.സി തങ്ങള്‍ വല്ലപ്പുഴ, ഇമ്പിച്ചിക്കോയ തങ്ങള്‍ പാലക്കാട്, എസ്.എം.കെ തങ്ങള്‍ തൃശൂര്‍, പൂക്കോയ തങ്ങള്‍ ചന്തേര, എം.എം മുഹ്‌യുദ്ദീന്‍ മുസ്‌ലിയാര്‍, എ.എസ് ഹസന്‍ മുസ്‌ലിയാര്‍, നൗഷാദ് ബാഖവി ചിറയിന്‍കീഴ്, അഹ്മദ് കബീര്‍ ബാഖവി കാഞ്ഞാര്‍, കെ.കെ.എസ് തങ്ങള്‍ വെട്ടിച്ചിറ, ഹൈദ്രോസ് മുസ്‌ലിയാര്‍ കുന്നം, സയ്യിദ് ശഫീഖ് തങ്ങള്‍, സയ്യിദ് അബ്ദുല്ല തങ്ങള്‍, സയ്യിദ് ഹദ്‌യത്തുല്ല തങ്ങള്‍, സയ്യിദ് ഫഖ്‌റുദ്ദീന്‍ തങ്ങള്‍ സംബന്ധിക്കും.
വൈകിട്ട് മൂന്നിന് ആമില പരേഡും നാലിന് സൗഹൃദ സംഗമവും മദ്ഹു റസൂല്‍ പ്രഭാഷണവും നടക്കും. മത-സാമൂഹിക-രാഷ്ട്രീയ രംഗത്തെ പ്രമുഖര്‍ സംബന്ധിക്കും.
സിംസാറുല്‍ ഹഖ് ഹുദവി പ്രഭാഷണം നടത്തും. വിവിധ ജില്ലകളില്‍ നിന്നുള്ള പ്രവര്‍ത്തകര്‍ വൈകിട്ട് മൂന്നിനു മുന്‍പ് ദേശീയ പാതയിലെ കളമശ്ശേരി - മുട്ടംപള്ളി പരിസരത്തുള്ള നഗരിയിലെത്തുന്ന വിധം യാത്ര ക്രമീകരിക്കണമെന്നു സംഘാടക സമിതി അറിയിച്ചു.