കൊളംബോ: ഈ മാസം 20ന് ആരംഭിക്കുന്ന ഇന്ത്യക്കെതിരായ ടി20 പരമ്പരയ്ക്കുള്ള ശ്രീലങ്കന്‍ ടീമിലേക്ക് വെറ്ററന്‍ പേസര്‍ ലസിത് മലിംഗയെ പരിഗണിച്ചില്ല. മുതിര്‍ന്ന താരങ്ങളായ സുരംഗ ലക്മല്‍, ലഹിരു തിരിമന്നെ എന്നിവര്‍ക്ക് വിശ്രമം അനുവദിക്കാനും ശ്രീലങ്കന്‍ സെലക്ഷന്‍ കമ്മിറ്റി തീരുമാനിച്ചു. ഇരുവര്‍ക്കും പകരം വിശ്വ ഫെര്‍ണാണ്ടോയും ദശുന്‍ സനകയും ടീമില്‍ ഇടം പിടിച്ചു. മൂന്ന് മത്സരങ്ങളടങ്ങിയ പരമ്പരയിലെ ആദ്യ മത്സരം 20ന് കട്ടക്കിലും രണ്ടാം പോരാട്ടം 22ന് ഇന്‍ഡോറിലും മൂന്നാം മത്സരം 24ന് മുംബൈയിലും അരങ്ങേറും. തിസര പെരേരയാണ് ടീം ക്യാപ്റ്റന്‍.