കോഴിക്കോട്: കേരള മീഡിയ അക്കാദമിയുടെ ആഭിമുഖ്യത്തില്‍ സംഘടിപ്പിക്കുന്ന ദേശീയ വനിതാ മാധ്യമപ്രവര്‍ത്തക സംഗമത്തിന്റെ (നാഷണല്‍ ജേണലിസ്റ്റ് കോണ്‍ക്ലേവ്) ലോഗോ മുഖ്യമന്ത്രി പിണറായി വിജയന്‍ പ്രകാശനം ചെയ്തു. കോണ്‍ക്ലേവിനായി നടത്തിയ ലോഗോ ഡിസൈനിങ് മത്സരത്തില്‍ കോഴിക്കോട് കുറ്റ്യാടി സ്വദേശിനിയും മാധ്യമപ്രവര്‍ത്തകയുമായ ടി.കെ സക്കീന വിജയിയായി. എന്‍. മാധവന്‍കുട്ടി, കെ.ജി ജ്യോതിര്‍ഘോഷ്, കെ. രാജഗോപാല്‍, കെ. ഹേമലത എന്നിവരടങ്ങിയ കമ്മിറ്റിയാണ് 60ഓളംപേര്‍ പങ്കെടുത്ത മത്സരത്തിന്റെ വിധിനിര്‍ണയം നടത്തിയത്.