തിരുവനന്തപുരം: കേരള സര്‍വകലാശാലക്ക് പുതിയ വൈസ് ചാന്‍സലറെ കണ്ടെത്താനുള്ള സെര്‍ച്ച് കമ്മിറ്റിയിലെ സെനറ്റ് പ്രതിനിധിയായി ഡോ. വി.കെ രാമചന്ദ്രനെ തെരഞ്ഞെടുത്തു. സംസ്ഥാന ആസൂത്രണ ബോര്‍ഡ് ഉപാധ്യക്ഷനായ വി.കെ രാമചന്ദ്രനെ ഇന്നലെ ചേര്‍ന്ന സെനറ്റ് യോഗമാണ് തെരഞ്ഞെടുത്തത്. സെനറ്റ് പ്രതിനിധിക്കുപുറമെ യു.ജി.സി ചെയര്‍മാന്‍, ചാന്‍സലര്‍ എന്നിവരുടെ പ്രതിനിധികള്‍കൂടി ഉള്‍പ്പെടുന്നതാണ് സെര്‍ച്ച് കമ്മിറ്റി. ചാന്‍സലറുടെ പ്രതിനിധി ചീഫ് സെക്രട്ടറിയായിരിക്കും. ഫെബ്രുവരിയില്‍ നിലവിലെ വി.സി പ്രൊഫ. പി.കെ രാധാകൃഷ്ണന്റെ കാലാവധി അവസാനിക്കും.