ദുബൈ: ഇന്ത്യയുടെ പി.വി സിന്ധു ദുബൈ വേള്‍ഡ് സൂപ്പര്‍ സീരീസ് ബാഡ്മിന്റണ്‍ പോരാട്ടത്തിന്റെ ഫൈനലിലേക്ക് മുന്നേറി. സെമിയില്‍ ചൈനയുടെ ചെന്‍ യുഫേയിയെ അനായാസം കീഴടക്കിയാണ് സിന്ധുവിന്റെ ഫൈനല്‍ പ്രവേശം. സ്‌കോര്‍: 21-15, 21-18.
ഫൈനലില്‍ ജപ്പാന്‍ താരം അകനെ യമഗുചിയാണ് സിന്ധുവിന്റെ എതിരാളി. കഴിഞ്ഞ ദിവസം നടന്ന ഗ്രൂപ്പിലെ അവസാന മത്സരത്തില്‍ യമഗുചിയെ വീഴ്ത്തിയതിന്റെ ആത്മവിശ്വാസത്തില്‍ സിന്ധുവിന് ഫൈനല്‍ പോരിനിറങ്ങാം.