വടകര: ഓഖി ദുരന്തത്തില്‍പ്പെട്ടതെന്ന് സംശയിക്കുന്ന ഒരാളുടെ മൃതദേഹം ചോമ്പാല്‍ ഹാര്‍ബറിനും പയ്യോളിക്കുമിടയില്‍ കടലില്‍ കണ്ടെത്തി. തുടര്‍ന്ന് ചോമ്പാലയിലെ ശിവപ്രിയ എന്ന ഫൈബര്‍ വള്ളത്തിലുള്ള ജോലിക്കാര്‍ മൃതദേഹം കരക്കെത്തിച്ചു.
തഹസില്‍ദാര്‍ അടക്കമുള്ള ഉന്നത ഉദ്യോഗസ്ഥര്‍ സ്ഥലത്തെത്തിയിരുന്നു. മൃതശരീരം അഴുകിയ നിലയിലാണ്.
പച്ച അടിവസ്ത്രവും വെള്ള ബനിയനും മാത്രമേ ശരീരത്തിലുണ്ടായിരുന്നുള്ളൂ. മൃതദേഹം കോഴിക്കോട് മെഡിക്കല്‍ കോളജ് ആശുപത്രി മോര്‍ച്ചറിയിലേക്ക് മാറ്റി.