ദുബൈ: ഇന്ത്യന്‍ ടോപ് സീഡ് താരം പി.വി സിന്ധുവിന് മറ്റൊരു ഫൈനല്‍ തോല്‍വി കൂടി. വേള്‍ഡ് സൂപ്പര്‍ സീരീസ് ഫൈനല്‍സ് ബാഡ്മിന്റണ്‍ പോരാട്ടത്തിന്റെ ഫൈനലില്‍ ഇന്ത്യന്‍ പ്രതീക്ഷയായിരുന്ന സിന്ധു പരാജയപ്പെട്ട് വെള്ളി മെഡല്‍ സ്വന്തമാക്കി. ജപ്പാന്‍ താരവും ലോക റാങ്കിങില്‍ രണ്ടാം സ്ഥാനക്കാരിയുമായ അഗനെ യമുഗുചിയോടാണ് സിന്ധു പാരാജയമേറ്റ് വാങ്ങിയത്. ആദ്യ സെറ്റ് നേടിയ ശേഷം രണ്ടും മൂന്നും സെറ്റുകള്‍ കൈവിട്ടാണ് ഇന്ത്യന്‍ താരം തോല്‍വി സമ്മതിച്ചത്. സ്‌കോര്‍: 21-15, 12-21, 19-21. നേരത്തെ ഗ്രൂപ്പ് പോരാട്ടത്തില്‍ യമഗുചിയെ വീഴ്ത്തിയതിന്റെ മുന്‍പരിചയം സിന്ധുവിന് ഫൈനലില്‍ തുണച്ചില്ല.