മലപ്പുറം: കോട്ടുമല അബൂബക്കര്‍ മുസ്്‌ലിയാര്‍ സ്മാരക ഇസ്്‌ലാമിക് കോംപ്ലക്‌സ് പൂര്‍വ വിദ്യാര്‍ഥി-അധ്യാപക സമ്പൂര്‍ണ സംഗമം 28ന് നടക്കും. 1987 ല്‍ സ്ഥാപനത്തിന്റെ തുടക്കം മുതല്‍ ഇതുവരെ പഠിച്ച വിദ്യാര്‍ഥികളും സേവനം ചെയ്ത അധ്യാപകരും ജീവനക്കാരും പങ്കെടുക്കുന്ന സംഗമം പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും.
സംഗമത്തോടനുബന്ധിച്ച് സിയാറത്ത് യാത്ര, ഉദ്ഘാടന സമ്മേളനം, അനുസ്്മരണ സെമിനാര്‍, അവാര്‍ഡ്ദാനം, സ്‌നേഹ സംഗമം, കലാനിശ, ബാപ്പുമുസ്്‌ലിയാര്‍ സ്മാരക സൗദത്തിലേക്കുള്ള ഫണ്ട് സ്വീകരിക്കല്‍ എന്നിവ നടക്കും.
യോഗത്തില്‍ സയ്യിദ് ശമീറലി ശിഹാബ് തങ്ങള്‍ അധ്യക്ഷനായി. സുലൈമാന്‍ ഫൈസി ചുങ്കത്തറ ഉദ്ഘാടനം ചെയ്തു. മുഹമ്മദ് ശിഹാബ് ഫൈസി കൂമണ്ണ, മുസ്തഫ ഫൈസി അമരമ്പലം, ഡോ. അബ്ദുറഹ്മാന്‍ ഫൈസി മുല്ലപ്പള്ളി, ഹംസ ഫൈസി, മുജീബ് ഫൈസി,ലത്തീഫ് ഫൈസി, ഉമറുല്‍ ഫാറൂഖ് ഫൈസി മണിമൂളി സംസാരിച്ചു.