മിലാന്‍: ഇറ്റാലിയന്‍ സീരി എ പോരാട്ടത്തില്‍ യുവന്റസ് കരുത്തരായ റോമയെ സ്വന്തം തട്ടകത്തില്‍ മറുപടിയില്ലാത്ത ഒറ്റ ഗോളിന് വീഴ്ത്തി. മറ്റൊരു മത്സരത്തില്‍ എ.സി മിലാനെ അവരുടെ തട്ടകത്തില്‍ കയറി അറ്റ്‌ലാന്റ മറുപടിയില്ലാത്ത രണ്ട് ഗോളുകള്‍ക്ക് അട്ടിമറിച്ചു.
18ാം മിനുട്ടില്‍ ബെനാറ്റിയ നേടിയ ഗോളിലാണ് യുവന്റസ് വിജയം പിടിച്ചത്. ജയത്തോടെ അവര്‍ രണ്ടാം സ്ഥാനത്ത് തുടരുന്നു.
പരിശീലകനായി മുന്‍ ഇതിഹാസം ഗന്നാരോ ഗട്ടുസോ എത്തിയിട്ടും എ.സി മിലാന്‍ ക്ലച്ച് പിടിക്കുന്നില്ല. സ്വന്തം തട്ടകത്തില്‍ അവരെ അറ്റ്‌ലാന്റ അട്ടിമറിക്കുകയായിരുന്നു. നിലവില്‍ മിലാന്‍ 24 പോയിന്റുമായി 11ാം സ്ഥാനത്തും ജയത്തോടെ അറ്റ്‌ലാന്റ 27 പോയിന്റുമായി ഏഴാം സ്ഥാനത്തും നില്‍ക്കുന്നു.