കണ്ണൂര്‍: ഓഖി ദുരന്തത്തില്‍ കാണാതായ ആളുടേതെന്ന് സംശയിക്കുന്ന മൃതദേഹം കൂടി കണ്ടെത്തി. ഇന്നലെ രാവിലെ എട്ടരയോടെ അഴീക്കല്‍ പുറംകടലിലാണ് മൃതദേഹം ഒഴുകി പോകുന്നതു മത്സ്യ തൊഴിലാളികളുടെ ശ്രദ്ധയില്‍പ്പെട്ടത്.
തുടര്‍ന്ന് കോഴിക്കോട് നിന്ന് കോസ്റ്റുഗാര്‍ഡും എന്‍ഫോഴ്‌സ്‌മെന്റ് ഉദ്യോഗസ്ഥരും സ്ഥലത്തെത്തി മൃതദേഹം കണ്ടെടുത്ത് അഴീക്കല്‍ തുറമുഖത്തെത്തിച്ചു.
ഇന്നലെ ഉച്ചയോടെ പോസ്റ്റു മോര്‍ട്ടത്തിനായി പരിയാരം മെഡിക്കല്‍ കോളജിലെത്തിച്ചു. മൃതദേഹം തിരിച്ചറിയാനായി ഡി.എന്‍.എ പരിശോധന നടത്തുമെന്ന് എന്‍ഫോഴ്‌സ്‌മെന്റ് ഉദ്യോഗസ്ഥര്‍ പറഞ്ഞു.