പോര്‍ട്ട് എലിസബത്ത്: രണ്ടുദിവസം കൊണ്ട് സിംബാബ്‌വെയെ ചുരുട്ടിക്കെട്ടി ദക്ഷിണാഫ്രിക്ക ഇന്നിങ്‌സ് ജയം സ്വന്തമാക്കി. ആദ്യ ഇന്നിങ്‌സില്‍ 309 റണ്‍സ് മാത്രമാണ് എടുത്തതെങ്കിലും സിംബാബ്‌വെയെ ആദ്യ ഇന്നിങ്‌സില്‍ 68നും രണ്ടാമിന്നിങ്‌സില്‍ 121 റണ്‍സിനും പുറത്താക്കി ഇന്നിങ്‌സിനും 120 റണ്‍സിനുമാണ് ദക്ഷിണാഫ്രിക്ക ജയം ആഘോഷിച്ചത്. വിക്കറ്റ് നഷ്ടമില്ലാതെ 54 എന്ന നിലയില്‍ നിന്നാണ് രണ്ടാമിന്നിങ്‌സില്‍ 121 റണ്‍സിന് സിംബാബ്‌വെ പുറത്തായത്. അഞ്ചു വിക്കറ്റെടുത്ത കേശവ് മഹാരാജും മൂന്നുവിക്കറ്റെടുത്ത് ഫെലുവായോയും ദക്ഷിണാഫ്രിക്കയ്ക്കായി മികച്ച പ്രകടനം നടത്തി. ക്രെയ്ഗ് ഇര്‍വിന്‍(23) ആണ് സിംബാബ്‌വെയുടെ ടോപ് സ്‌കോറര്‍.