കണ്ണൂര്‍: സംഘര്‍ഷങ്ങള്‍ വിട്ടൊഴിയാതെ കണ്ണൂര്‍. സി.പി.എം പ്രവര്‍ത്തകന് വെട്ടേറ്റു. ക്ഷീരോല്‍പാദന സഹകരണസംഘം ജീവനക്കാരന്‍ കൂടിയായ കാട്ടിന്റവിട ചന്ദ്രനാണ് (52) വെട്ടേറ്റത്. ഇന്ന് പുലര്‍ച്ചെ പൂനൂര്‍ കൂറ്റേരിയിലായിരുന്നു സംഭവം.

പാല്‍വിതരണത്തിനിടെയായിരുന്നു ആക്രമണം ഉണ്ടായത്. ഇരു കാലുകളും അറ്റു തൂങ്ങിയ നിലയിലാണ്. ആദ്യം തലശ്ശേരി സഹകരണ ആശുപത്രിയിയില്‍ പ്രവേശിപ്പിച്ച ചന്ദ്രനെ ശസ്ത്രക്രിയ ആവശ്യമായതിനാല്‍ കോഴിക്കോട് മെഡിക്കല്‍ കോളജിലേക്ക് മാറ്റി.

ആര്‍.എസ്.എസ് പ്രവര്‍ത്തകരാണ് ആക്രമണത്തിന് പിന്നിലെന്ന് സി.പി.എം ആരോപിച്ചു.

ജില്ലയില്‍ സമാധാനം പുനഃസ്ഥാപിക്കാന്‍ കഴിഞ്ഞ ദിവസം യോഗം ചേര്‍ന്നിരുന്നു.