ഭൂവനേശ്വര്‍: കൊലപാതകക്കേസില്‍ അറസ്റ്റു ചെയ്ത മാവോയിസ്റ്റ് പൊലിസ് സ്റ്റേഷനില്‍ ആത്മഹത്യ ചെയ്തു. ചന്ദ്രഗുഡ ഗ്രാമവാസിയായ സമാകവാസി എന്നയാളാണ് മല്‍ക്കാഗിരി പൊലിസ് സ്റ്റേഷന്‍ മുറിയില്‍ ആത്മഹത്യ ചെയ്തത്. ഇദ്ദേഹം ഉള്‍പ്പെടെ 12 പേരെയാണ് ബുധനാഴ്ച പൊലിസ് കസ്റ്റഡിയില്‍ എടുത്തത്. കോടതിയില്‍ ഹാജരാക്കുന്നതിന്റെ തൊട്ടുമുന്‍പായി സമാ കവാസിയെ സ്റ്റേഷന്‍ ശൗചാലയത്തില്‍ തൂങ്ങിമരിച്ചതായി കണ്ടെത്തിയെന്ന് മല്‍കാന്‍ഗിരി പൊലിസ് സൂപ്രണ്ട് ജഗ് മോഹന്‍ മീന പറഞ്ഞു.