കോഴിക്കോട്: കൊട്ടിയാഘോഷിച്ച കിഫ്ബി പൊട്ടക്കിണറാണന്ന് മുമ്പേ വിമര്‍ശിച്ചിരുന്നത് സത്യമായെന്ന് കോണ്‍ഗ്രസ് നേതാവ് കെ. ശങ്കരനാരായണന്‍. ശമ്പളവും പെന്‍ഷനും നല്‍കാതെ ജീവനക്കാരെ പ്രതിസന്ധിയിലാക്കുകയാണ് സംസ്ഥാന സര്‍ക്കാരെന്നും അദ്ദേഹം പറഞ്ഞു.
ജി.എസ്.ടിയില്‍ നഷ്ടം നേരിട്ടെന്നപേരില്‍ കടമെടുക്കാന്‍ ഒരുങ്ങുകയാണ് കേന്ദ്ര സര്‍ക്കാര്‍.
ട്രെയിനില്‍ യാത്ര ചെയ്യുന്നതിന് രാജ്യത്ത് ആദ്യമായി നികുതി ഈടാക്കുന്നത് മോദി സര്‍ക്കാരാണന്നും അദ്ദേഹം പരാമര്‍ശിച്ചു.
കേരളത്തിലെ സി.പി.എം നേതൃത്വത്തിനൊഴികെ മറ്റാര്‍ക്കും കോണ്‍ഗ്രസിന് ശക്തി നല്‍കണമെന്ന കാര്യത്തില്‍ തര്‍ക്കമില്ല. പ്രകാശ് കാരാട്ട് എതിര്‍ക്കുന്നത് മലയാളിയായതുകൊണ്ടു മാത്രമാണെന്നും അദ്ദേഹം കൂട്ടിച്ചേര്‍ത്തു.