ഇന്‍ഡോര്‍: വിദര്‍ഭയ്‌ക്കെതിരായ രഞ്ജി ട്രോഫി ഫൈനല്‍ പോരാട്ടത്തിനായി ടീമിനെ നയിച്ച ഡല്‍ഹി ക്യാപ്റ്റന്‍ റിഷഭ് പന്ത് ഇതിഹാസ താരം സച്ചിന്‍ ടെണ്ടുല്‍ക്കറുടെ ഒരു റെക്കോര്‍ഡ് മറികടന്നു. 22 വര്‍ഷമായി തകര്‍ക്കപ്പെടാതെ നിന്ന പെരുമയാണ് ഡല്‍ഹി നായകന്‍ തിരുത്തിയത്. രഞ്ജി ട്രോഫിയുടെ ഫൈനലില്‍ ടീമിനെ നയിക്കുന്ന ഏറ്റവും പ്രായം കുറഞ്ഞ നായകനെന്ന റെക്കോര്‍ഡാണ് റിഷഭ് സ്വന്തമാക്കിയത്. 20 വയസും 86 ദിവസവുമാണ് റിഷഭിന്റെ പ്രായം. 1994-95 കാലത്ത് മുംബൈ ടീമിനെ ഫൈനലില്‍ നയിക്കുമ്പോള്‍ സച്ചിന്റെ പ്രായം 21 വയസും 337 ദിവസവുമായിരുന്നു.