ന്യൂഡല്‍ഹി: ദക്ഷിണ കശ്മീരില്‍ സി.ആര്‍.പി.എഫ് പരിശീലന കേന്ദ്രത്തിനു നേരെ തീവ്രവാദി ആക്രമണം. ഗ്രനേഡുകളും തോക്കുകളും ഉപയോഗിച്ച് നടത്തിയ ആക്രമണത്തില്‍ ജവാന്‍ കൊല്ലപ്പെട്ടു. രണ്ട് ജവാന്മാര്‍ക്ക് പരുക്കേല്‍ക്കുകയും ചെയ്തു.

ഞായറാഴ്ച പുലര്‍ച്ചെ രണ്ടു മണിയോടെ ലത്ത്പുര ക്യാംപിലാണ് സംഭവം. മറ്റു പരിശീലന കേന്ദ്രങ്ങളിലേക്കും ആക്രമണം ഉണ്ടാവാന്‍ സാധ്യതയുണ്ടെന്ന് സൈനിക കേന്ദ്രം അറിയിച്ചു.

അതിര്‍ത്തി കടന്ന് മൂന്ന് പാക് സൈനികരെ ഇന്ത്യന്‍ സൈന്യം വധിച്ചതിന്റെ ദിവസങ്ങള്‍ക്കകമാണ് സൈനിക ക്യാംപില്‍ ആക്രമണം ഉണ്ടായിരിക്കുന്നത്. മേഖലയില്‍ സി.ആര്‍.പി.എഫിന്റെ നേതൃത്വത്തില്‍ തെരച്ചില്‍ തുടരുകയാണ്.