തളിപ്പറമ്പ്: തളിപ്പറമ്പ് സി.എച്ച് സെന്ററിന്റെ 2016-2021 വര്‍ഷത്തേക്കുള്ള പുതിയ ഭാരവാഹികളെ തെരഞ്ഞെടുത്തു.
സി.എച്ച് സെന്റര്‍ ഓഡിറ്റോറിയത്തില്‍ ജനറല്‍ ബോഡി യോഗം സംസ്ഥാന മുസ്‌ലിം ലീഗ് വൈസ് പ്രസിഡന്റ് വി.കെ അബ്ദുല്‍ ഖാദര്‍ മൗലവി ഉദ്ഘാടനം ചെയ്തു. വര്‍ക്കിങ് പ്രസിഡന്റ് കെ.ടി സഹദുല്ല അധ്യക്ഷനായി. ജില്ലാ മുസ്‌ലിം ലീഗ് പ്രസിഡന്റ് പി കുഞ്ഞിമുഹമ്മദ് തിരഞ്ഞെടുപ്പ് നിയന്ത്രിച്ചു. ജനറല്‍ സെക്രട്ടറി അഡ്വ: അബ്ദുല്‍ കരീം ചേലേരി സ്വാഗതവും ഇബ്രാഹിം കുട്ടി തിരുവട്ടൂര്‍ നന്ദിയും പറഞ്ഞു.
   ഭാരവാഹികള്‍: കെ.വി മുഹമ്മദ് കുഞ്ഞി(പ്രസിഡന്റ്), അഡ്വ: അബ്ദുല്‍ കരീം ചേലേരി( ജനറല്‍ സെക്രട്ടറി),  കെ.ടി സഹദുല്ല(ട്രഷറര്‍),  അഡ്വ. എസ് മുഹമ്മദ്, പി.ഒ.പി മുഹമ്മദലി ഹാജി, നാഷണല്‍ മുസ്തഫ ഹാജി, എന്‍.കെ അബ്ദുല്ല ഹാജി (വൈസ് പ്രസിഡന്റുമാര്‍), ഇബ്രാഹിം കുട്ടി തിരുവട്ടൂര്‍, മഹമൂദ് അള്ളാംകുളം, പി.ടി.എ കോയ, ഇഖ്ബാല്‍ കോയിപ്ര (സെക്രട്ടറിമാര്‍). കെ മുസ്തഫ ഹാജി, സി.പി.വി അബ്ദുല്ല, സിദ്ധീഖ്, പി അബ്ദുല്‍ ലത്തീഫ് ഹാജി, സി സിറാജ്, എ.പി ബദറുദ്ദീന്‍, എന്നിവരുള്‍പ്പെട്ട ഗവേര്‍ണിങ് ബോഡിയേയും 51 അംഗ പ്രവര്‍ത്തക സമിതിയേയും തെരഞ്ഞെടുത്തു. ഗള്‍ഫ് ചാപ്റ്റര്‍ പ്രസിഡന്റ്, സെക്രട്ടറി, ട്രഷറര്‍ എന്നിവര്‍ ഗവേര്‍ണിങ് ബോഡി എക്‌സ് ഒഫിഷ്യോ മെമ്പര്‍മാരായിരിക്കും. എം ഹുസ്സൈന്‍ മാസ്റ്റര്‍ (തളിപ്പറമ്പ്), കെ സലാഹുദ്ധീന്‍ (ഇരിക്കൂര്‍), ഹാരിസ് കവ്വായി (പയ്യന്നൂര്‍), നജീബ് മുട്ടം (കല്യാശ്ശേരി) എന്നിവരെ മണ്ഡലം കോര്‍ഡിനേറ്റര്‍മാര്‍.