മൈലപ്രയില്‍ വ്യാപാരിയെ കൊന്ന രണ്ട് പേര്‍ തെങ്കാശിയില്‍ പിടിയില്‍

പത്തനംതിട്ട : മൈലപ്രയില്‍ വ്യാപാരിയെ കൊലപ്പെടുത്തിയ കേസില്‍ രണ്ട് പ്രതികള്‍ പിടിയില്‍. തമിഴ്‌നാട് സ്വദേശികളായ മുരുകന്‍, ബാലസുബ്രഹ്മണ്യന്‍ എന്നിവരെ തമിഴ്‌നാട്ടിലെ തെങ്കാശിയില്‍ നിന്നാണ് പൊലീസ് പിടികൂടിയത്. ഇരുവരെയും പത്തനംതിട്ടയില്‍ എത്തിച്ചു.

പത്തനംതിട്ട മൈലപ്രയില്‍ ജോര്‍ജ് ഉണ്ണുണ്ണിയെന്ന 72 കാരനായ വ്യാപാരിയെ കടയ്ക്കുള്ളില്‍ കഴുത്തില്‍ തുണിമുറുക്കി കൊലപ്പെടുത്തിയെന്നാണ് കേസ്. സംഘത്തില്‍ മൂന്നുപേര്‍ ഉണ്ടായിരുന്നെന്നും ഇതില്‍ ഇനി പത്തനംതിട്ട കുലശേഖരപതി സ്വദേശിയായ ഓട്ടോ ഡ്രൈവറെ പിടികൂടാനുണ്ടെന്നുമാണ് സൂചന.