പ്രസവനിര്ത്തല് ശസ്ത്രയ്ക്കിടെ യുവതി മരിച്ച സംഭവം; വിദഗ്ധ പൊലീസ് സര്ജന്മാരുടെ സംഘം പോസ്റ്റ്മോര്ട്ടം നടത്തും
പ്രസവനിര്ത്തല് ശസ്ത്രയ്ക്കിടെ യുവതി മരിച്ച സംഭവം
ആലപ്പുഴ: പ്രസവം നിര്ത്തുന്നതിനായുള്ള ശസ്ത്രക്രിയയ്ക്ക് വിധേയയായ യുവതി മരിച്ച സംഭവത്തില് വിദഗ്ധ പൊലിസ് സര്ജന്മാരുടെ സംഘം പോസ്റ്റ്മോര്ട്ടം നടത്തും. ചികിത്സാ പിഴവുണ്ടെന്നും വിശദമായ അന്വേഷണം വേണമെന്നുമുള്ള ബന്ധുക്കളുടെ ആവശ്യം പരിഗണിച്ചാണ് ജില്ലാ കളക്ടര് ജോണ് വി സാമൂവല് ഉത്തരവിട്ടത്. പോസ്റ്റ്മോര്ട്ടം വിഡിയോയില് ചിത്രീകരിക്കും.
സ്വകാര്യ മെഡിക്കല് സ്റ്റോറില് ഫാര്മസിസ്റ്റായ ആശ ശരത്ത് വെള്ളിയാഴ്ച വൈകിട്ടാണ് മെഡിക്കല് കോളജ് ആശുപത്രിയില് വെച്ച് മരിച്ചത്. വനിതാശിശു ആശുപത്രിയിലെ ശസ്ത്രക്രിയക്കിടെയുണ്ടായ പിഴവാണ് മരണത്തിന് കാരണമെന്നാണ് ബന്ധുക്കളുടെ ആരോപണം.
പ്രസവം നിര്ത്താനുള്ള ലാപ്രോസ്കോപിക് ശസ്ത്രക്രിയയ്ക്കിടെ ഗുരുതരാവസ്ഥയിലായതിനെ കുറിച്ച് വിശദ അന്വേഷണം വേണമെന്നാണ് ബന്ധുക്കളുടെ ആവശ്യം. ഇതിനായി വിദഗ്ധരായ സര്ജന്മാര് പോസ്റ്റ്മോര്ട്ടം നടത്തണമെന്നായിരുന്നു കുടുംബത്തിന്റെ ആവശ്യം. രാവിലെ തുടങ്ങേണ്ടിയിരുന്ന പോസ്റ്റുമോര്ട്ടം ഇതുമൂലം വൈകി. ഉച്ചയോടെ സഹോദരന് അരുണും മറ്റു ബന്ധുക്കളും ആലപ്പുഴ ജില്ലാ കളക്ടറുടെ ഔദ്യോഗിക വസതിയിലെത്തി പരാതി നല്കുകയായിരുന്നു.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."