മുസ്‌ലിം ലീഗിലെ മുസ്‌ലിഹ് മഠത്തില്‍ കണ്ണൂര്‍ മേയര്‍

കണ്ണൂര്‍: സംസ്ഥാനത്ത് യു.ഡി.എഫ് ഭരിക്കുന്ന ഏക കോര്‍പ്പറേഷനായ കണ്ണൂരില്‍ ഇനി മുസ്‌ലിം ലീഗ് മേയര്‍. കോണ്‍ഗ്രസ് ലീഗ് ധാരണ പ്രകാരം ടി.ഒ മോഹനന്‍ രാജിവച്ച ഒഴിവിലാണ് തെരഞ്ഞെടുപ്പ് നടന്നത്. ബാക്കിയുള്ള അടുത്ത രണ്ടു വര്‍ഷത്തേക്കാണ് മേയര്‍ സ്ഥാനം ലീഗിന് ലഭിച്ചത്.

വോട്ടെടുപ്പില്‍ മുസ്‌ലിഹ് മഠത്തിലിന് 36 വോട്ട് ലഭിച്ചു. എല്‍.ഡി.എഫിന്റെ എന്‍. സുകന്യക്ക് 18 വോട്ടും ലഭിച്ചു. യു.ഡി.എഫിന് എല്‍.ഡി.എഫിന്റെ ഒരു വോട്ട് അധികം ലഭിച്ചു. ബി.ജെ.പി അംഗം വി.കെ ഷൈജു തെരഞ്ഞെടുപ്പില്‍ പങ്കെടുത്തില്ല.

മൂന്ന് വര്‍ഷം ഭരിച്ച് പുതുവര്‍ഷത്തിലാണ് ടി.ഒ.മോഹനന്‍ കസേരയൊഴിഞ്ഞത്.