മുടികൊഴിച്ചില്‍ കൊണ്ട് കഷ്ടപ്പാട് അനുഭവിക്കുന്നവരാകും നമ്മളില്‍ പലരും. പുതിയകാലത്ത് ലിംഗ വ്യത്യാസമില്ലാതെയാണ് മുടികൊഴിച്ചിലിന്റെ പ്രശ്‌നങ്ങള്‍ പലരും നേരിടുന്നത്. എന്നാല്‍ നമ്മുടെ ഭക്ഷണശീലങ്ങളില്‍ മാറ്റം വരുത്തിക്കൊണ്ട് ഒരുപരിധി വരെ മുടികൊഴിച്ചിലിന്റെ പ്രശ്‌നങ്ങളെ നമുക്ക് ഒഴിവാക്കാം എന്നാണ് ആരോഗ്യ വിദഗ്ധര്‍ അഭിപ്രായപ്പെടുന്നത്.

വറുത്ത ഭക്ഷണങ്ങള്‍ കഴിവതും ഒഴിവാക്കുക എന്നതാണ് മുടികൊഴിച്ചില്‍ പ്രശ്‌നം നേരിടുന്നവര്‍ ഒഴിവാക്കേണ്ട പ്രധാന കാര്യം. കാരണം വറുത്ത ഭക്ഷണങ്ങളില്‍ കാണപ്പെടുന്ന കൊഴുപ്പും ഡൈ ഹൈഡ്രോട്ടെസ്റ്റോസ്റ്റിറോണ്‍ എന്നിവയും മുടികൊഴിച്ചിലിലേക്ക് നയിച്ചേക്കാം.വൈറ്റമിന്‍ എയുടെ അളവ് കൂടുന്നതും മുടികൊഴിച്ചിലിലേക്ക് നയിച്ചേക്കാം. ഇതിന് പുറമെ മെര്‍ക്കുറിയുടെ അളവ് കൂടിയ അയല, ട്യൂണ എന്നീ മത്സ്യങ്ങള്‍ കഴിക്കുന്നതും മുടികൊഴിച്ചിലിന് കാരണമാകും.

പ്രോട്ടീന്‍ അളവ് കുറഞ്ഞ ഭക്ഷണവും മുടികൊഴിച്ചിലിലേക്ക് നയിക്കാം. ഇതിന് പുറമെ പഞ്ചസാരയുടെ അളവ് കൂടിയ ഭക്ഷണങ്ങളും മുടിയുടെ ആരോഗ്യത്തെ ദോഷകരമായി ബാധിച്ചേക്കാം. പഞ്ചസാര അടങ്ങിയ ഭക്ഷണങ്ങള്‍ ഇന്‍സുലിന്‍ വര്‍ദ്ധിക്കുന്നതിലേക്ക് നയിക്കും.കാല്‍സ്യത്തിന്റെ അളവ് കുറയുന്നതും നമ്മെ മുടികൊഴിച്ചിലിലേക്ക് നയിക്കും.ആരോഗ്യമുള്ള മുടി നിലനിര്‍ത്തുന്നതില്‍ കാല്‍സ്യം ഒരു പ്രധാന പങ്കാണ് വഹിക്കുന്നത്. കൂടാതെ മുടിയെ ആരോഗ്യത്തോടെ നിലനിര്‍ത്താന്‍ പനീര്‍, തൈര്, ബീന്‍സ്, പയര്‍ വര്‍ഗങ്ങള്‍, മുട്ട, വാല്‍നട്ട്, ഇലക്കറികള്‍, സിട്രസ് പഴങ്ങള്‍, ധാന്യങ്ങള്‍, നിലക്കടല തുടങ്ങിയ ഭക്ഷണങ്ങള്‍ ഡയറ്റില്‍ ഉള്‍പ്പെടുത്തണമെന്ന് വിദഗ്ധര്‍ ചൂണ്ടിക്കാട്ടുന്നു.

Content Highlights:these foods that cause hair loss