ദുബൈ: എസ്‌കെഎസ്എസ്എഫ് സംസ്ഥാന സമ്മേളനം നടക്കുന്ന 'മുഖദ്ദസി'ലേക്ക് യുഎഇ നാഷണല്‍ എസ്‌കെഎസ്എസ്എഫ് കമ്മിറ്റിയുടെ നേതൃത്വത്തില്‍ 150ല്‍ പരം പ്രതിനിധികള്‍ വെള്ളിയാഴ്ച രാത്രി നാട്ടിലെത്തും.
നാഷണല്‍ എസ്‌കെഎസ്എസ്എഫ് പ്രസിഡണ്ട് സയ്യിദ് ശുഐബ് തങ്ങള്‍, ജനറല്‍ സെക്രട്ടറി ഷറഫുദ്ദീന്‍ ഹുദവി, വൈസ് പ്രസിഡണ്ട് മന്‍സൂര്‍ മൂപ്പന്‍, സയ്യിദ് ഷഹീന്‍ തങ്ങള്‍, വര്‍ക്കിംഗ് സെക്രട്ടറി ഷാഫി ഇരിങ്ങാവൂര്‍, ഗള്‍ഫ് സുപ്രഭാതം കണ്‍വീനര്‍ അബ്ദുറസാഖ് വളാഞ്ചേരി എന്നിവരുടെ നേതൃത്വത്തില്‍ വിവിധ സോണ്‍ ഭാരവാഹികളും ഉള്‍പ്പെടെ 150 പേര്‍ സംഘത്തിലുണ്ടാകും.
'സത്യം, സ്വത്വം, സമര്‍പ്പണം' ആണ് സമ്മേളന പ്രമേയം. സമ്മേളന ഭാഗമായി ഒരുക്കിയ പ്രവാസി മീറ്റ് കേരളത്തിന്റെ പുറത്ത് സംഘടനാ ശാക്തീകരണത്തിന് ഊന്നല്‍ നല്‍കുന്ന വിഷയങ്ങള്‍ ചര്‍ച്ചയാകും. ചരിത്രമായി മാറിയ 'വാദിനൂറി'നും 'സമര്‍ഖന്ദി'നും ശേഷം 'മുഖദ്ദസി'ല്‍ നടക്കുന്ന സമ്മേളനം ധാര്‍മിക വിദ്യാര്‍ത്ഥി പ്രസ്ഥാനത്തിന് കൂടുതല്‍ കരുത്ത് പകരുന്ന പദ്ധതികള്‍ സമൂഹത്തിന് സമര്‍പ്പിക്കും.