കെഎസ്ആര്‍ടിസി ബസും തമിഴ്‌നാട് ട്രാന്‍സ്‌പോര്‍ട്ട് ബസും കൂട്ടിയിടിച്ച് 35 പേര്‍ക്ക് പരുക്ക്

കോയമ്പത്തൂര്‍: തമിഴ്‌നാട്ടില്‍ കെഎസ്ആര്‍ടിസി ബസും തമിഴ്‌നാട് ട്രാന്‍സ്‌പോര്‍ട്ട് ബസും തമ്മില്‍ കൂട്ടിയിടിച്ച് 35 പേര്‍ക്ക് പരുക്ക്. നാഗര്‍കോവിലില്‍ നിന്നും തിരുവനന്തപുര ഭാഗത്തേക്ക് വരുകയായിരുന്ന കെഎസ്ആര്‍ടിസി ബസും കളിയിക്കാവിളയില്‍ നിന്നും കന്യാകുമാരിയിലേക്ക് പോവുകയായിരുന്ന തമിഴ്‌നാട് ട്രാന്‍സ്‌പോര്‍ട്ട് ബസും കൂട്ടിയിടിച്ചാണ് അപകടം. നാഗര്‍കോവിലിനടുത്തുള്ള മാര്‍ത്താണ്ഡം പാലത്തിനുമുകളിലാണ് അപകടമുണ്ടായത്.

നാഗര്‍കോവിലില്‍ നിന്നും തിരുവനന്തപുരത്തേക്ക് വരികയായിരുന്നു കെഎസ്ആര്‍ടിസി ബസ് മുന്നിലുള്ള ടോറസ് ലോറിയെ മറികടക്കാന്‍ ശ്രമിച്ചപ്പോള്‍ മറുഭാഗത്തുനിന്ന് വരികയായിരുന്ന തമിഴ്‌നാട് ബസുമായി കൂട്ടിയിടിച്ചാണ് അപകടം.

കെഎസ്ആര്‍ടിസി ബസിലെ ഡ്രൈവര്‍ അനീഷ് കൃഷ്ണ ഗുരുതര പരുക്കളുടെ നാഗര്‍കോവില്‍ ആശാരി പള്ളം മെഡിക്കല്‍ കോളേജില്‍ പ്രവേശിപ്പിച്ചു. രണ്ടു ബസിലും പരുക്കേറ്റ 35യോളം പേരെ പല ആശുപത്രിയിലായി പ്രവേശിപ്പിച്ചു.