കോഴിക്കോട്: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് നിര്‍വാഹകസമിതി യോഗം 19 മദ്‌റസകള്‍ക്ക് കൂടി അംഗീകാരം നല്‍കി. ഇതോടെ സമസ്തയുടെ കീഴിലുള്ള അംഗീകൃത മദ്‌റസകളുടെ എണ്ണം 9645 ആയി.

റഹ്മാനിയ്യ മദ്‌റസ-അസയ് മാംഗ്ലൂര്‍, ഹിദായത്തുല്‍ ഇസ്‌ലാം മദ്‌റസ-കെമ്മര ഷലബാലി, ബദറുല്‍ഹുദാ മദ്‌റസ-കൊയ്‌ല (ദക്ഷിണ കന്നഡ), മദ്‌റസത്തുന്നൂര്‍-സാദാത്ത് നഗര്‍, ബദരിയ്യ മദ്‌റസ-ഉപ്പള ടൗണ്‍, ഫാത്വിമ മഹ്മൂദ് മെമ്മോറിയല്‍ മദ്‌റസ-വലിയമൂല (കാസര്‍കോട്), ഇസ്സത്തുല്‍ ഇസ്‌ലാം മദ്‌റസ-കീഴറ (കണ്ണൂര്‍), ശംസുല്‍ ഉലൂം മദ്‌റസ-ചാലാട്ടി, അല്‍മദ്‌റസത്തുറഹ്മ-പള്ളിക്കടവ്(കോഴിക്കോട്), മമ്പഉല്‍ ഇഹ്‌സാന്‍ മദ്‌റസ- കണ്ണന്തളി, ലിവാഉദ്ദീന്‍ ബ്രാഞ്ച് മദ്‌റസ- പുത്തൂര്‍ നിരപ്പറമ്പ്, ഹയാത്തുല്‍ ഇസ്‌ലാം മദ്‌റസ- കിളിയം, അല്‍മദ്‌റസത്തുസ്സആദ- ആറ്റുതലക്കുണ്ട് (മലപ്പുറം), നൂറുല്‍ ഇസ്‌ലാംമദ്‌റസ - കീഴ്മുറി, ഇല്‍ശാദുല്‍ വില്‍ദാന്‍ - എലിയപ്പറ്റ, മില്ലുംപടി (പാലക്കാട്), അല്‍മദ്‌റസത്തുറഹ്മാനിയ്യ - കൈപ്പമംഗലം, ബദ്‌രിയ്യ മദ്‌റസ - മേലെവെട്ടിക്കാട്ടിരി (തൃശൂര്‍), ശരീഅത്തുല്‍ ഇസ്‌ലാം മദ്‌റസ-ശബരിപ്പാടം (എറണാകുളം), അന്‍സാറുല്‍ ഇസ്‌ലാം മദ്‌റസ-പത്തടി (കൊല്ലം) എന്നീ മദ്‌റസകള്‍ക്കാണ് പുതുതായി അംഗീകാരം നല്‍കിയത്.

സമസ്ത കോണ്‍ഫറന്‍സ് ഹാളില്‍ചേര്‍ന്ന നിര്‍വാഹകസമിതി യോഗത്തില്‍ പ്രസിഡന്റ് പി.കെ.പി.അബ്ദുസ്സലാം മുസ്‌ലിയാര്‍ അധ്യക്ഷനായി.പ്രൊ. കെ.ആലിക്കുട്ടി മുസ്‌ലിയാര്‍, സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍, എം.എ ഖാസിം മുസ്‌ലിയാര്‍, എം.ടി അബ്ദുല്ല മുസ്‌ലിയാര്‍, എം.എം മുഹ്‌യിദ്ദീന്‍ മൗലവി, കെ.ടി ഹംസ മുസ്‌ലിയാര്‍, ഡോ. ബഹാഉദ്ദീന്‍ മുഹമ്മദ് നദ്‌വി, കെ. ഉമര്‍ ഫൈസി മുക്കം, ഡോ. എന്‍.എ.എം അബ്ദുല്‍ഖാദിര്‍, ഹാജി. കെ. മമ്മദ് ഫൈസി, കെ.എം അബ്ദുല്ല മാസ്റ്റര്‍, ഒ. അബ്ദുല്‍ഹമീദ് ഫൈസി അമ്പലക്കടവ്, ഇ. മൊയ്തീന്‍ ഫൈസി പുത്തനഴി, പി.എ. ജബ്ബാര്‍ ഹാജി സംസാരിച്ചു.

ജനറല്‍സെക്രട്ടറി കോട്ടുമല ടി.എം ബാപ്പു മുസ്‌ലിയാര്‍ സ്വാഗതവും മാനേജര്‍ കെ. മോയിന്‍കുട്ടി മാസ്റ്റര്‍ നന്ദിയും പറഞ്ഞു.