കോട്ടയം: ബൈക്ക് അപകടത്തില്‍ രണ്ട് സ്‌കൂള്‍ വിദ്യാര്‍ഥികള്‍ മരിച്ചു. പള്ളം മറ്റത്തില്‍ സ്വദേശി ജോഷ്വ ജോയല്‍, ചെട്ടിക്കുന്ന് സ്വദേശി അബിഗേല്‍ എന്നിവരാണ് മരിച്ചത്. പാക്കില്‍ ധര്‍മശാസ്താ ക്ഷേത്രത്തിനു സമീപം പവര്‍ ഹൗസ് ജങ്ഷനില്‍ വച്ച് ഇന്ന് വൈകിട്ട് മൂന്നു മണിയോടെയാണ് അപകടമുണ്ടായത്.

ബൈക്കിന്റെ ചെയിന്‍ പൊട്ടിയതാണ് അപകടത്തിന് കാരണമായത്. ചെയിന്‍ പൊട്ടി നിയന്ത്രണം വിട്ട് റോഡില്‍ മറിഞ്ഞ ബൈക്ക്, എതിര്‍ ദിശയില്‍ നിന്നും എത്തിയ പിക്കപ്പില്‍ ഇടിച്ചാണ് അപകടം ഉണ്ടായത്. അപകടത്തിന്റെ സിസിടിവി ക്യാമറ ദൃശ്യങ്ങള്‍ പുറത്ത് വന്നു.

ജോഷ്വ സംഭസ്ഥലത്തുവച്ചുതന്നെ മരിച്ചു. മെഡിക്കല്‍ കോളജ് ആശുപത്രിയില്‍ വച്ചാണ് അബിഗേല്‍ മരിച്ചത്. ജോഷ്വ പത്താം ക്ലാസ് വിദ്യാര്‍ത്ഥിയും അബിഗേല്‍ പ്ലസ് വണ്‍ വിദ്യാര്‍ത്ഥിയുമാണ്.

ബൈക്ക് അപകടത്തില്‍ രണ്ട് സ്‌കൂള്‍ വിദ്യാര്‍ഥികള്‍ മരിച്ചു