എംആർഎഫിന് നേട്ടം; മൂന്നാം പാദത്തിൽ അറ്റാദായത്തിൽ മൂന്നിരട്ടി വർധന

ചെന്നൈ: മൾട്ടിനാഷണൽ നാഷണൽ ടയർ നിർമാതാക്കളായ എംആർഎഫിന്റെ ഈ സാമ്പത്തിക വർഷത്തെ മൂന്നാം പാദത്തിലെ അറ്റാദായത്തിൽ മൂന്നിരട്ടി വർധന. മൂന്നാം പാദത്തിൽ 508.02 കോടി രൂപയാണ് അറ്റാദായം. കഴിഞ്ഞ സാമ്പത്തിക വർഷം ഇതേ പാദത്തിൽ 169.22 കോടി രൂപയായിരുന്നു അറ്റാദായം. ഇതിലാണ് മൂന്നിരട്ടി വർഷമുണ്ടായത്.

എംആർഎഫിന്റെ ആകെ വരുമാനം 5604.90 കോടിയിൽ നിന്ന് 6124.39 കോടി രൂപയായും വർധിച്ചു. 5445.15 കോടി രൂപയാണ് ഇക്കാലയളവിലെ ആകെ ചെലവ്. ഒരു ഓഹരിക്ക് 3 രൂപ നിരക്കിൽ രണ്ടാം ഇടക്കാല ലാഭവിഹിതവും കമ്പനി പ്രഖ്യാപിച്ചു.