കാര്‍ ഡിവൈഡറിലിടിച്ച് കുഴിയിലേക്ക് മറിഞ്ഞു; കാസര്‍കോട് രണ്ടു മരണം

കാസര്‍കോട്: കാഞ്ഞങ്ങാട് ദേശീയപാതയില്‍ കാര്‍ ഡിവൈഡറിലിടിച്ച് കുഴിയിലേക്ക് മറിഞ്ഞ് രണ്ടുമരണം. രണ്ട് പേര്‍ക്ക് ഗുരുതര പരിക്കേറ്റു. തായന്നൂര്‍ ചെരളത്തെ രഘുനാഥ്, തായന്നൂര്‍ തേറം കല്ലിലെ രാജേഷ് എന്നിവരാണ് മരിച്ചത്. പെരിയ കേന്ദ്രസര്‍വകലാശാലയ്ക്ക് സമീപമാണ് അപകടമുണ്ടായത്.

വയനാട്ട് കുലവന്‍ മഹോത്സവത്തില്‍ പങ്കെടുത്ത് തായന്നൂരിലെ വീട്ടിലേക്ക് കാറില്‍ മടങ്ങുന്നതിനിടെയായിരുന്നു അപകടം. ദേശീയപാതയില്‍ ഡിവൈഡറില്‍ ഇടിച്ച കാര്‍ നിയന്ത്രണം വിട്ടു തൊട്ടടുത്ത വലിയ കുഴിയിലേക്ക് മറിയുകയായിരുന്നു. ഗുരുതരമായി പരിക്കേറ്റ രണ്ടുപേരെ മംഗലാപുരം ആശുപത്രിയില്‍ പ്രവേശിപ്പിച്ചു. തായന്നൂര്‍ സ്വദേശികളായ രാഹുല്‍, രാജേഷ് എന്നിവരാണ് ആശുപത്രിയിലുള്ളത്.