സൈക്ലിംഗ് റേസ്: അബുദാബിയിലെ റോഡിൽ ഗതാഗത നിയന്ത്രണം

അബുദാബി: യുഎഇ ടൂർ മെൻസ് സൈക്ലിംഗ് റേസിന്റെ ഭാഗമായി അബുദാബിയിൽ തിങ്കളാഴ്ച റോഡ് അടച്ചതായി അധികൃതർ അറിയിച്ചു. ടൂറിൻ്റെ ആദ്യ ഘട്ടത്തിൽ അൽ ദഫ്‌റ മേഖലയിലെ മദീനത്ത് സായിദിൽ ഉച്ചയ്ക്ക് 12.35 മുതൽ 4.30 വരെ റോഡ് അടച്ചിടുമെന്ന് അബുദാബിയിലെ ഇൻ്റഗ്രേറ്റഡ് ട്രാൻസ്‌പോർട്ട് സെൻ്റർ (ഐടിസി) അറിയിച്ചു.

അ​ല്‍ ദ​ഫ്ര വാ​ക്ക് മ​ദീ​ന​ത്ത് സാ​യി​ദി​ല്‍നി​ന്ന് ലി​വ പാ​ല​സ് വ​രെ​യു​ള്ള 143 കി​ലോ​മീ​റ്റ​ര്‍ ദൂ​ര​ത്തി​ലാ​ണ് യുഎ​ഇ ടൂ​ര്‍ മെ​ന്‍സ് സൈ​ക്ലി​ങ് മ​ത്സ​ര​ത്തി​ന്‍റെ ആ​ദ്യ​ഘ​ട്ടം ന​ട​ക്കു​ന്ന​ത്. മ​ത്സ​ര​ത്തി​ന്‍റെ ഭാ​ഗ​മാ​യ റോ​ഡ് അടച്ചിടൽ എട്ട് ഘട്ടങ്ങളിലായാണ് നടക്കുക. എട്ട് ഘട്ടങ്ങളിൽ ആണെങ്കിലും ഫലത്തിൽ പൂർണ സമയം അടച്ചിടൽ പോലെ ആകും റോഡ്.

ആദ്യഘട്ടം: ഉ​ച്ച​ക്ക് 12.35 മു​ത​ല്‍ 1.00 വ​രെ
ര​ണ്ടാം ഘ​ട്ടം: 1.00 മു​ത​ല്‍ 1.45 വ​രെ
മൂ​ന്നാം ഘ​ട്ടം: 1.45 മു​ത​ല്‍ 1.55 വ​രെ​
നാ​ലാം ഘ​ട്ടം: 1.55 മു​ത​ല്‍ 2.15 വ​രെ
അ​ഞ്ചാം ഘ​ട്ടം: 2.15 മു​ത​ല്‍ 3.05 വ​രെ​
ആ​റാം ഘ​ട്ടം 3.05 മു​ത​ല്‍ 3.30 വ​രെ
ഏ​ഴാം ഘ​ട്ടം: 3.30 മു​ത​ല്‍ 3.40 വ​രെ
എ​ട്ടാ​മ​ത്തെ ഘ​ട്ടം 3.40 മു​ത​ല്‍ 4.30 വ​രെ​

ഫെ​ബ്രു​വ​രി 19 മു​ത​ല്‍ 25 വ​രെ​യാ​ണ് പു​രു​ഷ​ന്മാ​രു​ടെ സൈ​ക്കി​ളോ​ട്ട മ​ത്സ​രം തു​ട​ങ്ങു​ക. ഏ​ഴു ഘ​ട്ട​ങ്ങ​ളി​ലാ​യി 980 കി​ലോ​മീ​റ്റ​ര്‍ ദൂ​ര​മാ​ണ് മ​ത്സ​രാ​ര്‍ഥി​ക​ള്‍ പി​ന്നി​ടേ​ണ്ട​ത്. ജ​ബ​ല്‍ ജൈ​സ്, ജ​ബ​ല്‍ ഹ​ഫീ​ത് എ​ന്നി​വി​ട​ങ്ങ​ളി​ലാ​യി മൗ​ണ്ടെ​യ്ന്‍ സ്റ്റേ​ജ് മ​ത്സ​ര​ങ്ങ​ളും ടൂ​റി​ന്‍റെ ഭാ​ഗ​മാ​യി ന​ട​ക്കു​ന്നു​ണ്ട്. സ്പ്രിൻ്റർമാർക്കും ക്ലൈമ്പർമാർക്കും തുല്യ അവസരമുള്ള പതിപ്പാണ് ഇത്തവണത്തേത്.

ഏഴ് ഘട്ടങ്ങളിൽ നാലെണ്ണം സ്പ്രിൻ്റർമാർക്ക് അനുകൂലമായിരിക്കും, കൂടാതെ ടൂറിൽ 12.1 കിലോമീറ്ററിലധികം വ്യക്തിഗത ടൈം ട്രയൽ ഉൾപ്പെടുന്നു. മൂന്നാമത്തെയും ഏഴാമത്തെയും ഘട്ടം യഥാക്രമം ജബൽ ജെയ്‌സ്, ജബൽ ഹഫീത് എന്നീ മലനിരകളായിരിക്കും. റെംകോ ഇവെൻപോളായിരുന്നു കഴിഞ്ഞ വർഷത്തെ ഓവറോൾ ജേതാവ്.