ഇനി ആമസോണിൽ നിന്ന് വീടും വാങ്ങാം

ഓണ്‍ലൈന്‍ ഷോപ്പിങ് നടത്തുന്നവരുടെ കാലമാണ്. ചെറിയ മൊട്ടുസൂചി മുതല്‍ എന്ത് സാധനവും ഓണ്‍ലൈന്‍ ഷോപ്പിങ് പ്ലാറ്റ്‌ഫോമുകളില്‍ ലഭ്യമാണ്. ചുരുങ്ങിയ സമയം കൊണ്ട് സാധനം എത്തിക്കുന്ന

ആമസോണും,മിന്ത്രയുമെല്ലാം ആളുകള്‍ക്കിടയില്‍ ജനപ്രീതി നേടിയവയാണ്. എന്നാലിപ്പോഴിതാ ആളുകളെ ഞെട്ടിച്ചിരിക്കുകയാണ് ആമസോണിന്റെ ഒരു പ്രൊഡക്ട്. 'വീടും' ഇനി ആമസോണില്‍ വാങ്ങാം.

പ്രീഫാബ്രിക്കേറ്റഡ് ഹോമുകള്‍' എന്നറിയപ്പെടുന്ന, കൂട്ടിയോജിപ്പിച്ച് താമസിക്കാന്‍ കഴിയുന്ന വീടുകളാണ്, കമ്പനി ഓര്‍ഡര്‍ അനുസരിച്ച് ഉപയോക്താക്കളുടെ വീട്ടില്‍ എത്തിക്കുന്നത്. ഏകദേശം 10,37,494 രൂപ മുതല്‍ 24,89,986 രൂപ വരെ വിലമതിക്കുന്ന വീടുകളാണ് കമ്പനി തങ്ങളുടെ സൈറ്റില്‍ ഒരുക്കിയിരിക്കുന്നത്.

? You can buy a foldable house on Amazon and set it up yourself...

pic.twitter.com/ovgTp67587

— Tansu Yegen (@TansuYegen) February 3, 2024

19x20 അടി വലുപ്പത്തില്‍, 2 കിടപ്പുമുറികളും 1 സ്വീകരണമുറിയും 1 കുളിമുറിയും അടുക്കളയും അടങ്ങിയ വീടിന് 22,40,987 രൂപയാണ് കമ്പനി ഈടാക്കുന്നത്. എന്നാല്‍ വീടുകള്‍ നിലവില്‍ യുഎസ്എ പോലുള്ള തിരഞ്ഞെടുത്ത രാജ്യങ്ങളില്‍ മാത്രമാണ് ലഭ്യമാകുക.

മള്‍ട്ടിവിന്‍ഡോ, ഡോര്‍ തുടങ്ങിയ സജ്ജീകരണങ്ങളുള്ള വീട്, വാഹനത്തില്‍ കയറ്റികൊണ്ടുപോകാന്‍ എളുപ്പമാണെന്നും, വയറിങ്ങ് അടക്കമുള്ള ജോലികള്‍ പൂര്‍ത്തിയാക്കിയിട്ടുള്ളതാണെന്നും കമ്പനി പറയുന്നു. ലോഹം, ഗ്ലാസ്, പ്ലാസ്റ്റിക് എന്നിവയുപയോഗിച്ചാണ് വീടിന്റെ നിര്‍മ്മാണം. ചൂടുവെള്ളത്തിനും തണുത്തവെള്ളത്തിനുമായുള്ള പ്രത്യേക സജീകരണം, ഡ്രൊയിനേജ്, ഇന്‍സുലേഷന്‍ പൈപ്പുകള്‍ തുടങ്ങിയവയും വീടിനുണ്ട്.

ഒരു സ്ഥലത്തുനിന്ന് മറ്റൊരു സ്ഥലത്തേക്ക് അനായാസം കൊണ്ടുപോകാം എന്നതു തന്നെയാണ് ഇത്തരം വീടുകളുടെ പ്രത്യേകത. എന്നാല്‍, ഒരു സാധാരണ വീട്ടില്‍ നിന്ന് വ്യത്യസ്തമായി, കൊടുങ്കാറ്റ്, വെള്ളപ്പൊക്കം, ചുഴലിക്കാറ്റ് തുടങ്ങുയ പ്രതികൂല കാലാവസ്ഥകളെ തരണം ചെയ്യാനുള്ള വീടിന്റെ കഴിവ് പരിമിതമാണ്.