മൈഗ്രേനോ…? ഈ അഞ്ച് ഭക്ഷണങ്ങള്‍ ഒഴിവാക്കിക്കോളൂ..

മൈഗ്രേന്‍ ഉള്ളവര്‍ക്ക് അറിയം എത്രത്തോളം ദുഷ്‌കരമായ അവസ്ഥയാണതെന്ന്, തലവേദനകളില്‍ ഏറ്റവും കാഠിന്യമേറിയതാണ് മൈഗ്രേന്‍. തലകറക്കം, ഓക്കാനം, ശബ്ദത്തോടും പ്രകാശത്തോടുമുള്ള സംവേദനക്ഷമത എന്നിവയെല്ലാം മൈഗ്രേന്റെ ലക്ഷണങ്ങളാണ്. നിലവില്‍, ഇതിന് ചികിത്സയില്ല, എന്നാല്‍ നിങ്ങളുടെ കഴിക്കുന്ന ഭക്ഷണത്തെ നിരീക്ഷിച്ച് അവയുടെ ആവൃത്തി ഒരു പരിധിവരെ കുറയ്ക്കാന്‍ കഴിയും. പലപ്പോഴും നിങ്ങള്‍ കഴിക്കുന്ന ഭക്ഷണങ്ങളും മൈഗ്രേന് കാരണമാകുന്നുണ്ട്. ഇവ ഏതൊക്കെയാണെന്ന് തിരിച്ചറിഞ്ഞ് ഒഴിവാക്കുകയാണ് മൈഗ്രേന്‍ വരാതിരിക്കാനുള്ള എളുപ്പവഴി

മൈഗ്രേന്‍ ഉണ്ടാകാന്‍ സാധ്യതയുള്ള അല്ലെങ്കില്‍ മൈഗ്രേന്‍ രോഗി ഒഴിവാക്കേണ്ട 5 ഭക്ഷണങ്ങള്‍ ഇതാ.

1. കഫീന്‍

മൈഗ്രേന്‍ തലവേദന ഒഴിവാക്കാന്‍ ആഗ്രഹിക്കുന്നുവെങ്കില്‍, നിങ്ങള്‍ കാപ്പി കഴിക്കുന്നത് കുറയ്‌ക്കേണ്ടതുണ്ട്. ന്യൂട്രിയന്റ്‌സ് എന്ന ജേണലില്‍ പ്രസിദ്ധീകരിച്ച ഒരു അവലോകനം അനുസരിച്ച്, കഫീന്‍ അമിതമായി ഉപയോഗിക്കുന്നത് മൈഗ്രേനിലേക്ക് നയിക്കും. അതേസമയം, കഫീന്‍ പെട്ടെന്ന് കുറയ്ക്കുന്നത് മൈഗ്രെയ്ന്‍ കൂടുന്നതിനും കാരണമാകും. 2016ലും 2019ലും പ്രസിദ്ധീകരിച്ച രണ്ട് പഠനങ്ങളും ഇതിന് പിന്തുണ നല്‍കിയിട്ടുണ്ട്. മൈഗ്രെയ്ന്‍ കുറയ്ക്കാന്‍ നിങ്ങള്‍ ആഗ്രഹിക്കുന്നെങ്കില്‍, ഒരു ദിവസം രണ്ട് കപ്പ് കാപ്പി മാത്രമായി പരിമിതപ്പെടുത്തുക.

2. ചോക്കലേറ്റ്

അതെ! ചോക്ലേറ്റ് മൈഗ്രെയ്ന്‍ ഉണ്ടാക്കും. ചോക്ലേറ്റില്‍ കഫീന്‍, ടൈറാമിന്‍ എന്നിവ അടങ്ങിയിട്ടുണ്ട്, ഇത് മൈഗ്രെയ്ന്‍ തലവേദനയ്ക്ക് കാരണമാകും.

3. ഡ്രൈ ഫ്രൂട്ട്‌സും നട്‌സും

ഉണങ്ങിയ പഴങ്ങളും നട്‌സും മൈഗ്രെയിനുകള്‍ക്ക് കാരണമാകുമെന്ന് നിങ്ങള്‍ക്കറിയാമോ? അസോസിയേഷന്‍ ഓഫ് മൈഗ്രെയ്ന്‍ ഡിസോര്‍ഡേഴ്‌സിന്റെ അഭിപ്രായത്തില്‍, ഉണക്കമുന്തിരി, ഈന്തപ്പഴം, ആപ്രിക്കോട്ട്, ടിന്നിലടച്ച അത്തിപ്പഴം തുടങ്ങിയ പരിപ്പുകളിലും വിത്തുകളിലും മൈഗ്രേനുകള്‍ക്ക് കാരണമാകുന്ന ഉയര്‍ന്ന അളവില്‍ ഫെനിലലാനൈന്‍ അടങ്ങിയിട്ടുണ്ട്. എന്നിരുന്നാലും, ഇത് നിങ്ങളുടെ ശരീരത്തെയും ആശ്രയിച്ചിരിക്കും

4. മദ്യം

2018ല്‍ പ്രസിദ്ധീകരിച്ച ഒരു പഠനമനുസരിച്ച്, ഗവേഷണത്തില്‍ പങ്കെടുത്തവരില്‍ മൈഗ്രെയ്ന്‍ ട്രിഗറുകളായി ലഹരിപാനീയങ്ങള്‍, പ്രത്യേകിച്ച് വൈന്‍ റിപ്പോര്‍ട്ട് ചെയ്യപ്പെട്ടിട്ടുണ്ട്. വൈനുകളില്‍ ഫ്‌ലേവനോയ്ഡുകള്‍, ടാന്നിന്‍സ് തുടങ്ങിയ ചില സംയുക്തങ്ങള്‍ അടങ്ങിയിട്ടുണ്ട്, ഇത് കഴിക്കുമ്പോള്‍ മൈഗ്രെയ്‌നി കാരണമാകും. മാത്രമല്ല, മദ്യപാനം നിര്‍ജ്ജലീകരണത്തിന് കാരണമാകും, ഇത് തലവേദനയ്ക്കും കാരണമാകും.

5. പഴങ്ങള്‍

സിട്രസ് പഴങ്ങള്‍, നിങ്ങളുടെ മൈഗ്രെയിനുകള്‍ക്ക് കാരണമായേക്കാം! 2016ല്‍ പ്രസിദ്ധീകരിച്ച ഒരു പഠനത്തില്‍, സിട്രസ് പഴങ്ങളില്‍ മൈഗ്രേന്‍ ട്രിഗറുകള്‍ ഉണ്ടാകാന്‍ സാധ്യതയുള്ളതായി കണ്ടെത്തിയിട്ടുണ്ട്.