കാര്യവട്ടം ക്യാംപസിനുള്ളിലെ അസ്ഥികൂടം; പുരുഷന്റേതെന്ന് നിഗമനം,

തിരുവനന്തപുരം: കാര്യവട്ടം ക്യാംപസിനുള്ളിലെ വാട്ടര്‍ ടാങ്കില്‍ നിന് കണ്ടെത്തിയ അസ്ഥികൂടം പുരുഷന്റേതെന്ന് പ്രാഥമിക നിഗമനം. അസ്ഥികൂടത്തിന് സമീപത്തുനിന്ന് ഡ്രൈവിങ് ലൈസന്‍സ് കണ്ടെത്തി. തലശ്ശേരി സ്വദേശിയായ 39 വയസ്സുള്ള അവിനാശ് ആനന്ദിന്റെ പേരിലുള്ള ലൈസന്‍സാണ് ലഭിച്ചത്. അസ്ഥികൂടം ഇയാളുടേതാണോ എന്ന് പൊലീസ് സ്ഥിരീകരിച്ചിട്ടില്ല.

വാട്ടര്‍ ടാങ്കിനുള്ളില്‍നിന്ന് ഷര്‍ട്ടും പാന്റും ടൈയ്യും തൊപ്പിയും കണ്ടെത്തിയിരുന്നു. അസ്ഥികൂടം പുറത്തെടുത്ത് ശാസ്ത്രീയ പരിശോധന നടത്തും. വാട്ടര്‍ ടാങ്ക് പൊളിച്ചുമാറ്റാനാണ് തീരുമാനം.

ഇന്നലെയാണ് കാര്യവട്ടം ക്യാംപസിനുള്ളിലെ ബോട്ടിണി ഡിപ്പാര്‍ട്ട്‌മെന്റിന് സമീപമുള്ള വാട്ടര്‍ ടാങ്കില്‍ നിന്ന് അസ്ഥികൂടം കണ്ടെത്തിയത്. വര്‍ഷങ്ങളായി ഉപയോഗിക്കാതിരുന്ന വാട്ടര്‍ ടാങ്കിനുള്ളിലായിരുന്നു അസ്ഥികൂടം.