KIC Ramadan Campaign

കുവൈത്ത് സിറ്റി: കുവൈത്ത് കേരള ഇസ്‌ലാമിക് കൗൺസിൽ റമളാൻ ക്യാമ്പയിനു തുടക്കം കുറിക്കും. 'റമളാൻ: വിശുദ്ധിയുടെ കർമ്മ സാഫല്യം' എന്നതാണ് കാമ്പയിൻ പ്രമേയം.

വരുന്ന വെള്ളി വൈകീട്ട് (8.മാർച്ച്.2024) കെ.ഐ.സി കേന്ദ്ര കമ്മിറ്റി സംഘടിപ്പിക്കുന്ന കാമ്പയിൻ ഉത്ഘാടന സമ്മേളനം അബ്ബാസിയ റിഥം ഓഡിറ്റോറിയത്തിൽ നടക്കും. റമളാൻ: വിശുദ്ധിയുടെ കർമ്മ സാഫല്യം' എന്ന ശീർഷകത്തിൽ സംഘടിപ്പിക്കുന്ന റമദാന്‍ ക്യാമ്പയിനിനോട് അനുബന്ധിച്ചു അതി വിപുലമായ പരിപാടികളാണ് സംഘടന ആസൂത്രണം ചെയ്തിരിക്കുന്നത്. സംഘടനയുടെ മേഖല-യൂണിറ്റ് തലങ്ങളിൽ വിവിധ ആത്മീയമജ്ലിസുകൾ, റമളാൻ മുന്നൊരുക്കം, ഡെയ്ലി മെസ്സേജ്, സ്റ്റാറ്റസ് വീഡിയോ, ഇഫ്താർ മീറ്റ്, റിലീഫ് ഫണ്ട് ശേഖരണം, ഖത്മുൽ ഖുർആൻ മജ്ലിസ്, റമളാൻ പ്രഭാഷണം, തസ്കിയത്ത് ക്യാമ്പ്, ദിക്ർ വാർഷികം, ക്വിസ് പ്രോഗ്രാം, സമാപന സമ്മേളനം, ഈദ് സംഗമം തുടങ്ങിയ വിവിധ പരിപാടികള്‍ കാമ്പയിനിന്റെ ഭാഗമായി നടക്കുമെന്ന് ഭാരവാഹികൾ അറിയിച്ചു.