തിരുവനന്തപുരം: നിയമസഭാ തെരഞ്ഞെടുപ്പില്‍ യുവാക്കള്‍ക്ക് കൂടുതല്‍ പ്രാതിനിധ്യം വേണമെന്ന ആവശ്യം ശക്തമാക്കി യൂത്ത് കോണ്‍ഗ്രസ്.
ഇതു സംബന്ധിച്ച് കെ.പി.സി.സിക്ക് 20 നിര്‍ദേശങ്ങളുമായി യൂത്ത് കോണ്‍ഗ്രസ് പ്രമേയം അവതരിപ്പിച്ചു. പാലക്കാട് സമാപിച്ച യൂത്ത് കോണ്‍ഗ്രസ് സംസ്ഥാന എക്‌സിക്യൂട്ടീവ് ക്യാംപിലാണ് പ്രമേയം അവതരിപ്പിച്ചത്.
നാലുതവണ തുടര്‍ച്ചയായി മത്സരിച്ചവരെ സ്ഥാനാര്‍ഥിയാക്കരുത്, യുവാക്കള്‍ക്ക് അവസരം വേണം, പതിവായി തോല്‍ക്കുന്നവരെ മാറ്റണം, നേമം മണ്ഡലം പിടിച്ചെടുക്കാന്‍ പ്രത്യേക ശ്രദ്ധ വേണം, ജനറല്‍ സീറ്റുകളില്‍ വനിതകള്‍ക്കും എസ്.സി, എസ്.ടി വിഭാഗത്തിനും അവസരം നല്‍കണം തുടങ്ങിയ നിര്‍ദേശങ്ങളാണ് പ്രമേയത്തില്‍ മുന്നോട്ടുവയ്ക്കുന്നത്.