കോഴിക്കോട്: ഫേസ്ബുക്ക് കൂട്ടായ്മയായ മലബാര്‍ അടുക്കളയുടെ രണ്ടാമത് ആഗോള സംഗമം'ഗ്ലോബല്‍ മീറ്റ് 2016' 20ന്  നടക്കും. സിവില്‍ സ്റ്റേഷന്‍ എക്‌സ്‌ക്യൂസീവ് ക്ലബില്‍ നടക്കുന്ന മീറ്റിന്റെ ഭാഗമായി മലബാര്‍ അടുക്കളയുടെ ജീവകാരുണ്യ പദ്ധതിയായ സമൃദ്ധിയുടെ സംസ്ഥാനതല ഉദ്ഘാടനം മന്ത്രി ടി.പി. രാമകൃഷ്ണന്‍ നിര്‍വഹിക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു. തുടര്‍ന്ന് പാചക കുടുംബ മാസിക പ്രകാശനം, ഭക്ഷ്യമേള, പാചക മത്സരം, മെഹന്തി ഫെസ്റ്റ് ആന്‍ഡ് വെജിറ്റബിള്‍ കാര്‍വിങ്, കുട്ടികള്‍ക്കും മുതിര്‍ന്നവര്‍ക്കുമായി കലാമത്സരങ്ങള്‍, ഗാനമേള തുടങ്ങിയ പരിപാടികള്‍ നടക്കും.
തീരദേശ, മലയോര പ്രാഥമിക വിദ്യാലയങ്ങള്‍ കേന്ദ്രീകരിച്ച് നടത്തുന്ന പദ്ധതി നിലവില്‍ വെള്ളയില്‍ ഗവ. ഫിഷറീസ് യുപി സ്‌കൂളില്‍ നടപ്പാക്കുന്നുണ്ട്.
മലബാര്‍ അടുക്കള ചെയര്‍മാന്‍ മുഹമ്മദലി ചക്കോത്ത്,  കോഡിനേറ്റര്‍ ഫാസില ഇഖ്ബാല്‍, തുര്‍ക്കി കോഡിനേറ്റര്‍ വിനീത രാജീവ്, സമൃദ്ധി കോഡിനേറ്റര്‍ കെ.എം. സുരേഷ് തുടങ്ങിയവര്‍ വാര്‍ത്താസമ്മേളനത്തില്‍ പങ്കെടുത്തു.