300 പേരുടെ പട്ടിക തയാറാക്കി ബി.ജെ.പി
തിരച്ചടി ഭയന്ന് ദലിത്, പിന്നോക്ക
വിഭാഗങ്ങൾക്ക്
നൂറിലേറെ സീറ്റുകൾ
ലഖ്‌നൗ
ഉത്തർപ്രദേശിൽ കനത്ത തിരിച്ചടി നേരിടുന്നതിനിടെ 300 സ്ഥാനാർഥികളെ തീരുമാനിച്ച് ബി.ജെ.പി. 403 സീറ്റുകളിലാണ് ബി.ജെ.പി മത്സരിക്കുന്നത്. പാർട്ടി തയാറാക്കിയ സ്ഥാനാർഥിപ്പട്ടികയിൽ 90 ദലിതരും ഇടംനേടിയിട്ടുണ്ട്.
മുഖ്യമന്ത്രി യോഗി ആദിത്യനാഥ് അയോധ്യയിൽ സ്ഥാനാർഥിയാകും. ബി.ജെ.പിയും സമാജ് വാദി പാർട്ടിയും തങ്ങളുടെ സ്ഥാനാർഥിപ്പട്ടികയ്ക്ക് അന്തിമ രൂപം നൽകിയിട്ടില്ല. കഴിഞ്ഞ ദിവസം മൂന്ന് ഒ.ബി.സി മന്ത്രിമാർ ഉൾപ്പെടെ എട്ട് എം.എൽ.എമാർ രാജിവച്ച സാഹചര്യത്തിൽ ബി.ജെ.പി ദലിത്, ഒ.ബി.സി വിഭാഗങ്ങൾക്ക് കൂടുതൽ പ്രാതിനിധ്യം നൽകാനുള്ള നീക്കത്തിലാണ്. 300 പേരടങ്ങുന്ന സ്ഥാനാർഥിപ്പട്ടിക പൂർത്തിയായെന്നും ഇതിൽ 90 പേർ ദലിത് വിഭാഗത്തിൽനിന്നാണെന്നും ബി.ജെ.പി ജനറൽ സെക്രട്ടറി എസ്.സി മിശ്ര പറഞ്ഞു.
ശേഷിക്കുന്ന പട്ടികയിലും ദലിത്, ഒ.ബി.സി വിഭാഗത്തിന് കൂടുതൽ പ്രാതിനിധ്യമുണ്ടാകുമെന്ന് അദ്ദേഹം സൂചന നൽകി. ബ്രാഹ്മണർ, മുസ്്‌ലിംകൾ എന്നിവർക്കും പട്ടികയിൽ കൂടുതൽ പ്രാധാന്യം നൽകാനാണ് നീക്കം. ജനുവരി 15ന് ശേഷം ആദ്യ സ്ഥാനാർഥി പട്ടിക പുറത്തിറക്കും. മായാവതി ബി.എസ്.പി സ്ഥാനാർഥികളുടെ പട്ടിക പുറത്തുവിട്ടിട്ടുണ്ട്. ഉത്തർപ്രദേശിൽ 20 ശതമാനം വോട്ടർമാർ ദലിതുകളും 13 ശതമാനം ബ്രാഹ്മണരുമാണ്. മുസ്്‌ലിം വോട്ടർമാർ 20 ശതമാനമുണ്ട്.