മക്ക: കമ്പനിയിൽ നിന്ന് ഒരു മില്യൺ റിയാൽ മോഷ്ടിച്ച രണ്ടു വിദേശികളെ പോലീസ് പിടികൂടി. മക്ക പ്രവിശ്യ പൊലീസാണ് രണ്ടു ശ്രീലങ്കൻ സ്വദേശികളെ പിടികൂടിയത്. ജോലി ചെയ്‌തിരുന്ന കമ്പനിയിൽ നിന്ന് തന്നെയാണ് ഇവർ പണം അപഹരിച്ചത്. പ്രതികളെ പിടികൂടിയ പോലീസ് കാർട്ടൻ ബോക്‌സിൽ പണം സൂക്ഷിച്ച നിലയിൽ കണ്ടെടുക്കുകയും ചെയ്‌തു. പ്രതികളെ തുടർ നടപടികൾക്കായി ബന്ധപ്പെട്ട വകുപ്പുകൾക്ക് കൈമാറി.