ലണ്ടൻ
മുസ്‌ലിം ആണെന്നതാണ് തനിക്ക് മന്ത്രിസ്ഥാനം നഷ്ടപ്പെടാൻ കാരണമായതെന്ന ആരോപണമുയർത്തി മുൻ ബ്രിട്ടിഷ് മന്ത്രി നുസ്രത്ത് ഗനി. ബോറിസ് ജോൺസൺ സർക്കാരിൽ ഗതാഗതമന്ത്രിയായിരുന്ന നുസ്രത്ത് സൺഡേ ടൈംസിന് നൽകിയ അഭിമുഖത്തിലാണ് ഗുരുതരമായ ആരോപണങ്ങൾ ഉന്നയിച്ചത്.കൺസർവേറ്റീവ് പാർട്ടി അംഗമായ നുസ്രത്ത് ഗനി 2018ലാണ് മന്ത്രിയായത്. 2020 ഫെബ്രുവരിയിൽ നടന്ന മന്ത്രിസഭാ പുനഃസംഘടനയിലാണ് പാക് വംശജയായ നുസ്രത്തിന് സ്ഥാനം നഷ്ടമായത്. പാർട്ടി ചീഫ് വിപ്പ് മാർക് സ്‌പെൻസർ നുസ്രത്തിൻ്റെ ആരോപണങ്ങൾ നിഷേധിച്ചു.