പള്ളിക്കല്‍: ദേശീയപാത 66 കാക്കഞ്ചേരിയിലെ ഹെയര്‍പിന്‍ വളവില്‍ ലോറി മറിഞ്ഞത് മണിക്കൂറുകളോളം ഗതാഗതക്കുരുക്കിനിടയാക്കി. മഹാരാഷ്ട്ര സ്വദേശിയായ ലോറിയിലെ ക്ലീനര്‍ ദീപകി(22)ന് നിസാര പരുക്കേറ്റു. ഡ്രൈവര്‍ രാംദാസ് (29) പരുക്കേല്‍ക്കാതെ രക്ഷപ്പെട്ടു. ഇന്നലെ പുലര്‍ച്ചയോടെയാണ് സംഭവം.
പ്ലൈവുഡുമായി പെരുമ്പാവൂരില്‍ നിന്നു മുംബൈലേക്ക് പോകുന്ന ലോറിയാണ് അപകടത്തില്‍പ്പെട്ടത്. അപകടം നടന്നയുടന്‍ ഒരു മണിക്കൂറോളം റോഡില്‍ ഗതാഗതം തടസ്സപ്പെട്ടെങ്കിലും പൊലിസെത്തി ഗതാഗതക്കുരുക്കൊഴിവാക്കി.  
രാവിലെ പത്തോടെ ക്രെയിന്‍ ഉപയോഗിച്ച് ലോറി നിവര്‍ത്താനുള്ള ശ്രമം നടന്നതോടെ ദേശീയപാതയില്‍ കിലോമീറ്ററുകളോളം ദൂരത്തില്‍ ഗതാഗതം തടസപ്പെട്ടു.