കുവൈത് സിറ്റി: കുവൈത്തിന്റെ തെക്ക് പടിഞ്ഞാറ് ഭാഗത്ത് നേരിയ ഭൂചലനം അനുഭവപ്പെട്ടു. റിക്ടർ സ്‌കെയിലിൽ മൂന്ന് ഡിഗ്രി അനുഭവപ്പെട്ട ഭൂചലനം മനാഖിശിൽ ഇന്ന് രാവിലെയാണ് ഉണ്ടായതെന്ന് കുവൈത് ദേശീയ ഭൂചലന നിരീക്ഷണ കേന്ദ്രം അറിയിച്ചു. പ്രാദേശിക സമയം ഒമ്പതരയോടെ അനുഭവപ്പെട്ട ഭൂചനലത്തിന്റെ പ്രഭവ കേന്ദ്രം പതിനാല് കിലോമീറ്റർ താഴെയാണ്. ഇക്കഴിഞ്ഞ നവംബർ, ഡിസംബർ മാസങ്ങളിലും കുവൈത്തിൽ നേരിയ ഭൂചലനം അനുഭവപ്പെട്ടിരുന്നു. റിക്ടർ സ്‌കെയിലിൽ 4.6, 4.3 ഡിഗ്രി എന്നങ്ങനെയാണ് രേഖപ്പെടുത്തിയിരുന്നത്.