മലമ്പുഴ : മലമ്പുഴ ചെറാട് മലയില്‍ കുടുങ്ങിയ ബാബു എന്ന യുവാവിനായുള്ള രക്ഷാദൗത്യം വിജയത്തിലേക്ക്. മുകളില്‍ നിന്ന് താഴേക്ക് തൂങ്ങിയിറങ്ങിയ രണ്ട് ദൗത്യസംഘാംഗങ്ങളില്‍ മലയിടുക്കില്‍ നിന്ന് റോപ്പ് ശരീരത്തില്‍ കെട്ടിയാണ് മലയുടെ മുകളിലെത്തിച്ചത്. മുകളില്‍ നിന്ന് ഹെലികോപ്റ്ററില്‍ എയര്‍ലിഫ്റ്റ് ചെയ്യും.തുടര്‍ന്ന് ചികില്‍സക്കായി ആശുപത്രിയിലേക്ക് മാറ്റും. സമാനതകള്‍ ഇല്ലാത്ത രക്ഷദൗത്യമാണ് ഊട്ടിയില്‍ നിന്നെത്തിയ സംഘം നടത്തുന്നത്. ഇന്ന് പുലര്‍ച്ചയോടെ ബാബുവുമായി ദൗത്യസംഘത്തിന് ആശയവിനിമയം നടത്താനായി.യുവാവ് വെള്ളം ആവശ്യപ്പെട്ടു. ബാബുവിന്റെ ആരോഗ്യനില തൃപ്തികരമാണ് എന്നാണ് സൈന്യം പറയുന്നത്. രാത്രിമുഴുവന്‍ രക്ഷദൌത്യത്തിലായിരുന്നു സൈന്യം. ഇന്ന് പകല്‍ തന്നെ ബാബുവിനെ മോചിപ്പിക്കാനാകുമെന്നാണ് സൈന്യം പ്രതീക്ഷ പ്രകടിപ്പിക്കുന്നത്.ബാബു മലയില്‍ കുടുങ്ങിയിട്ട് 40 മണിക്കൂറോളം പിന്നിടുകയാണ്.