കോട്ടയം: നവകേരളത്തിനായുള്ള പുതിയ ആശയങ്ങള്‍ തേടി ക്യാംപസുകളില്‍ എത്തുന്ന മുഖ്യമന്ത്രിയുടെ ഇന്നത്തെ പരിപാടി മഹാത്മാഗാന്ധി യൂനിവേഴ്‌സിറ്റിയിലായിരുന്നു. മൂന്നാമത്തെ സംവാദ പരിപാടിയാണ് ഇന്ന് എം.ജി യൂനിവേഴ്‌സിറ്റി വിദ്യാര്‍ഥികളുമായി നടന്നത്. എന്നാല്‍ വിവാദം കത്തിനില്‍ക്കുന്ന പിന്‍വാതില്‍ നിയമന വിഷയത്തില്‍ അടക്കം ചോദ്യമുയര്‍ന്ന ഇന്ന്, മുഖ്യമന്ത്രി അല്‍പ്പം കലിപ്പിലായി.

ചോദ്യങ്ങളുന്നയിക്കാന്‍ വിദ്യാര്‍ഥികള്‍ക്ക് ആദ്യം അവസരം നല്‍കും. നിശ്ചിത ചോദ്യങ്ങള്‍ക്ക് ശേഷം മുഖ്യമന്ത്രി മറുപടി പറയും. ഇതാണ് സംവാദശൈലി. എന്നാല്‍ മറുപടിക്ക് ശേഷം ചോദ്യമുന്നയിച്ചുകൊണ്ട് ഒരു വിദ്യാര്‍ഥി എഴുന്നേറ്റതോടെ മുഖ്യമന്ത്രി പതിവ് ശൈലി എടുത്തു. 'ഇനിയൊരു ചോദ്യവുമില്ല, ഇനിയൊരു ചോദ്യവുമില്ല... ഒരു ചോദ്യവുമില്ല. അവസാനിച്ചു'. വിദ്യാര്‍ഥി ഈ സമയം മിണ്ടാതിരുന്നെങ്കിലും മുഖ്യമന്ത്രി പിന്നെയും തുടര്‍ന്നു. 'അവസാനിച്ചു. ചോദ്യം ഇനിയില്ല'.

വീഡിയോ കാണാം...