ജയരാജന്റെ കാറുമായി കൂട്ടിയിടിച്ച സ്വിഫ്റ്റ് കാറിലെ പാച്ചപൊയ്ക സ്വദേശികളായ യാത്രാക്കാരിലുണ്ടായിരുന്ന ഒരു കുട്ടിയുള്‍പ്പെടെ നാലുപേര്‍ക്കും പരുക്കേറ്റു. ഇടിയുടെ ആഘാതത്തില്‍ ഇരുകാറുകളുടെയും മുന്‍വശം പൂര്‍ണമായും തകര്‍ന്നു. പരുക്കേറ്റ എം.വി ജയരാജനെയും മറ്റു യാത്രക്കാരെയും കണ്ണൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു. രണ്ടാം വട്ടം കൊവിഡ് ബാധിതനായി പരിയാരത്തെ കണ്ണൂര്‍ മെഡിക്കല്‍ കോളേജാശുപത്രിയില്‍ ചികിത്സയിലായിരുന്ന എം.വി ജയരാജന്‍ കഴിഞ്ഞ ദിവസമാണ് വീണ്ടും പൊതുപ്രവര്‍ത്തനരംഗത്ത് സജീവമായത്. ഇതിനിടെയാണ് അപകടമുണ്ടായത്. പിണറായി പോലീസ് സ്ഥലത്തെത്തി വാഹനഗതാഗതം നിയന്ത്രിച്ചു.