ശ്രീനഗര്‍: ജമ്മു കശ്മിരിലെ സോപോറില്‍ മൂന്ന് ഭീകരര്‍ പിടിയില്‍. അല്‍ ബദ്ര്‍ സംഘടനയിലെ അംഗങ്ങളാണ് പിടിയിലായത്. ഇവരില്‍ നിന്നും ആയുധങ്ങളും പിടിച്ചെടുത്തതായി ജമ്മു പൊലിസ് അറിയിച്ചു.

ഡാംഗിവാച്ചി ഗ്രാമത്തില്‍ വച്ച് ലോക്കല്‍ പൊലിസിന്റെയും മറ്റ് സുരക്ഷാ സേനയുടെയും സംയുക്ത സംഘമാണ് ഇവരെ അറസ്റ്റ് ചെയ്തത്.

ഇന്നലെ ജമ്മു കശ്മിരിലെ ബന്ദിപ്പോരയില്‍ സുരക്ഷ സേനക്ക് നേരെ ഭീകരര്‍ നടത്തിയ ഗ്രനേഡ് ആക്രമണത്തില്‍ ഒരു പൊലിസുകാരന്‍ മരിച്ചിരുന്നു. ആക്രമണത്തില്‍ നാല് പേര്‍ക്ക് പരുക്കേറ്റു. സുരക്ഷ ജോലിക്കിടെയാണ് ആക്രമണം നടന്നത്. ഭീകരര്‍ക്കായി പ്രദേശത്ത് തെരച്ചില്‍ നടക്കുകയാണ്.