ദമാം: കിഴക്കൻ സഊദിയിലെ ദമാമിൽ കണ്ടെയിനറിൽ ഒളിപ്പിച്ച് കടത്താൻ ശ്രമിച്ച വൻ മദ്യ ശേഖരം പിടികൂടി. കിംഗ് അബ്ദുൽ അസീസ് തുറമുഖത്തു നിന്നാണ് കണ്ടെയ്‌നറുകളിൽ എൻജിൻ ഓയിൽ ലോഡിൽ ഒളിപ്പിച്ച് കടത്തിയ വിദേശ മദ്യക്കുപ്പികളുടെ വൻ ശേഖരം പോലീസ് പിടികൂടിയത്. എൻജിൻ ഓയിൽ ശേഖരത്തിനകത്ത് ഒളിപ്പിച്ച് വൻ മദ്യശേഖരം കടത്തിയതായി പോലീസിന് ലഭിച്ച രഹസ്യ വിവരത്തെ തുടർന്ന് നടത്തിയ പ്രത്യേക അന്വേഷണത്തിലാണ് വൻ മദ്യ ഇറക്കുമതി പൊളിച്ചത്.

 

    മദ്യശേഖരവും ഇത് ഒളിപ്പിച്ച എൻജിൻ ഓയിൽ ശേഖരത്തോടൊപ്പം  ദമാം തുറമുഖത്ത് സ്വീകരിച്ച സഊദി പൗരനെയും  പോലീസ് പിടികൂടിയിട്ടുണ്ട്. മദ്യശേഖരം അടങ്ങിയ എൻജിൻ ഓയിൽ ലോഡ് ദമാം തുറമുഖത്തെ കസ്റ്റംസിന് കൈമാറി. നിയമ നടപടികൾക്ക് സഊദി പൗരനെ പബ്ലിക് പ്രോസിക്യൂഷനു കൈമാറിയതായി ആഭ്യന്തര മന്ത്രാലയം അറിയിച്ചു. മദ്യശേഖരം ഒളിപ്പിച്ച എൻജിൻ ഓയിൽ ലോഡ് കയറ്റിയ കണ്ടെയ്‌നറുകളുടെയും അറസ്റ്റിലായ സൗദി യുവാവിന്റെയും ദൃശ്യങ്ങൾ അടങ്ങിയ വീഡിയോ ക്ലിപ്പിംഗ് ആഭ്യന്തര മന്ത്രാലയം പുറത്തുവിട്ടു.

 

വീഡിയോ